web counter
LEXO PA REKLAMA!

SHKARKO APP

App Store
Google Play

E fundit!

x

Shënim/ Ku janë burrat në kryesinë e PD ?

3 Maj 2016, 13:32, Aktualitet CNA

Kryesia e Partisë Demokratike është mbledhur sot për të diskutuar aktivitetin politik të opozitës dhe rikthimin e saj në parlament.

Ajo që bën përshtypje në mbledhjen e demokratëve është se asnjë nga anëtarët e kryesisë nuk ka folur për incidentin e javës që kaloi, ku sekretari i Aksionit Qytetar, Ervin Salianji ofendoi figurat kryesore dhe elitën e Partisë Demokratike.

Në mbledhjen e kaluar, Salianji, ka fyer anëtarët e kryesisë, duke iu drejtuar atyre me fjalët: ?Zoti kryetar, si mund tu besosh zgjedhjet në parti këtyre fytyrave??

Këto fjalë kanë sjellë reagimin e disa prej figurave të PD, të cilët nuk e kaluan lehtë, por kundërshtuan ashpër qëndrimin e Salianjit dhe i kërkuan atij të tërhiqte menjëherë atë cfarë tha.

Në mbledhjen e sotme, ky incident kaloi në heshtje. Asnjë nga anëtarët e kryesisë nuk kërkoi marrjen e masave ndaj Ervin Salianjit. Kjo tregon se ka qenë Kreu i PD se anëtarët e kryesisë më shumë hall kanë mandatin për zgjedhjet e ardhshme se sa fyerjet e Salianjit, apo më keq akoma të kenë kuptuar se ka qenë, Lulzim Basha, ai që ka urdhëruar Salianjin për fyerjet ndaj ?gardës së vjetër?.

Ndoshta kryesia hesht, por ky është një fakt që të bën të mendosh se kush më pak e kush më shumë, anëtarët po përpiqen të kapin një post për zgjedhjet e vitit 2017. Për shumicën e kryesisë nuk përben fakt fyerja e një personi si Ervin Salianji, mjafton që kreu demokrat Basha tu japë një post.

Vërtet lind pyetja: Ku janë burrat që nuk duhet të kishin lejuar që kryesia të vazhdonte mbledhjen pa përjashtuar përfundimisht Salianjin ?

E vetmja gjë që  u ?dëgjua?  në mbledhjen e sotme të kryesisë  ishte heshtja. Këtu nuk duam ti fusim çdo anëtar të kryesisë pasi nuk duam ta pranojmë që kryesia e PD ka të njëjtin qëndrim, por fatkeqësisht sot të gjithë anëtarët kanë heshtur edhe pse u fyen në kryesi e më pas publikisht./citynews





Lajmet e fundit nga