E fundit!

15:42 Aktualitet

Protestuesit para selive/ Balla: Kush qëndron pas tyre e ka gabim, mund të çojnë në vëlla-përplasje

Kreu i grupit të Partisë Socialiste Taulant Balla ka kriti...

Policia jep detaje për arrestimin e gjykatësit/ Në lojë dhe ish-polici

3 Maj 2016, 08:11, Aktualitet CNA

Përmes një njoftimi zyrtar për shtyp, Policia e Tiranës dha sot detaje për operacionin ?Berati2?, ku është arrestuar në flagrancë një gjyqtar së bashku me djalin e tij , dhe 2 shtetas të tjerë që tentuan të ndikojnë me afera korruptive në gjyqin civil që do zhvillohej me datë 03.05.2016 ku njëri nga këta shtetas ishte palë.

Sipas policisë, më datë 02.05.2016, pas një hetimi proaktiv 6- mujor të kryer nga ana e Sektorit Për Korrupsionin në Drejtorinë për Krimin Ekonomik e Finaciar dhe Sektori Për Hetimin e Korrupsionit në Drejtorinë Vendore të Policisë Tiranë, në bashkëpunim me Seksionin Për Hetimin e Korrupsionit në Prokurorinë Për Krimet e Rënda, në kuadër të Operacionit policor ? Berati 2? u bë e mundur kapja dhe arrestimi në flagrancë i shtetasve : Ibrahim Hoxha, 57 vjeç, lindur në Berat dhe banues në Tiranë, me detyrë Gjyqtar pranë Gjykatës së Rrethit Gjyqësor Tiranë, Ledion Hoxha, 25 vjeç (djali i tij), lindur në Berat dhe banues në Tiranë, me detyrë Jurist në një firmë, Dritan Jazenxhiu, 48 vjeç, lindur në Tiranë dhe banues në Tiranë, biznesmen dhe Novruz Gajda ,48 vjeç, lindur në Berat dhe banues në Tiranë, (ish polic në Drejtorinë e Policisë Qarkut Berat).

?Të lartpërmendurit u kapën në flagrancë në kohën që djali i gjyqtarit Ibrahim Hoxha, shtetasi Ledion Hoxha, mori 600 000 (gjashtëqind mijë) lek të reja nga shtetasi Novruz Gajda. Këto para do i’a jepte gjyqtarit me qëllim ndikimi në gjyqin civil me palë Dritan Jazenxhiu për një çështje civile pronësie , vendim i cili do të shpallej më datë 03.05.2016 ora 9:30, tek Gjykata e Rrethit Gjyqësor Tiranë. Paratë janë paguar nga Dritan Jazenxhiu , palë në proces civil me gjyqtar në Gjykatën e Rrethit Gjyqësor Tiranë, Ibrahim Hoxhën. Në cilësinë e provave materiale u sekuestruan 600 000 lekë, një automjet tip Benz me targa AA 005 NC, dhe 4 telefona celularë?-thotë policia.

Veprat penale të dyshuara se janë konsumuar janë ?Korrupsion pasiv i gjyqtarit prokurorit dhe funksionarëve të tjerë të Drejtësisë ?, e parashikuar nga neni 319/ç i Kodit Penal, ?Korrupsioni aktiv i gjyqtarit , prokurorit dhe funksionarëve të tjerë të Drejtësisë ?, e parashikuar nga neni 319 i Kodit Penal, ?Ushtrimit të ndikimit të paligjshëm ndaj personave që ushtrojnë funksione publike ? e parashikuar nga neni 245/1 dhe 25 i Kodit Penal.