web counter
LEXO PA REKLAMA!

SHKARKO APP

App Store
Google Play

Simuloi atentatin për azil në BE/ Ndalohet 34-vjeçari në Dibër

3 Maj 2016, 08:00, Aktualitet CNA

Policia arrestoi një 34-vjeçar që simuloi ngjarjen me qëllim përfitimin e statusit të azilantit në vendet e BE.

Nga policia mësohet se më datë 02.05.2016, nga Specialistët për Krimet në Komisariatin e Policisë Dibër, u bë ndalimi i shtetasit : Femi Nezha, 34 vjeç, banues në Laprak-Tiranë.

Ky shtetas kishte shkuar në Lurë  tek xhaxhai i tij,  shtetasi Q.N. Më datë 30.04.2016, rreth orës 23.00, dyshohet se ka simuluar ngjarjen ku vetë ky shtetas ka qëlluar me armë zjarri në murin e banesës së xhaxhait të tij. Pas këtij veprimi ky shtetas ka njoftuar median dhe jo Policinë. Më datë 01.05.2016 në orët e paradites pasi ka njoftuar median, ka marrë në telefon Policinë e Dibrës se është qëlluar me armë në drejtim të banesës së xhaxhait te tij ku ndodhej edhe ky shtetas. Nga veprimet hetimore të  kryera nga policia rezultoi se autori i dyshuar i kësaj ngjarje është vetë shtetasi i lartpërmendur pasi dyshohet të ketë simuluar ngjarjen me qëllim përfitimin e statusit të azilantit në vendet e BE-së.

Gjithashtu po ky shtetas  ka kryer veprime që pëngojnë zbulimin e së vërtetës duke fshehur gëzhojat në vendngjarje. Policia mundi të gjejë dhe sekuestrojë një gëzhojë dhe një predhë plumbi në faqen e murit të banesës së shtetasit Q.N.

Materialet i kaluan Prokurorisë Rrethit Gjyqësor Dibër për veprat penale “Prodhim dhe mbajtja pa leje e armëve luftarake dhe e municionit”, “Veprime që pengojnë zbulimin e së vërtetës”, parashikuar nga nenet 278/4, dhe 301 të Kodit Penal.

?Theksojmë faktin se këtij shtetasi  në javën e parë të muajit Prill 2016 i është refuzuar statusi i azilkërkuesit në Gjermani dhe është kthyer së bashku me familjen në Shqipëri?-thotë policia në njoftimin e saj.





Lajmet e fundit nga