web counter
LEXO PA REKLAMA!

SHKARKO APP

Berisha pret ambasadorin Lu: Opozita, forca më e interesuar për Reformën në Drejtësi

3 Maj 2016, 14:59, Aktualitet CNA

Ish-kryeministri Sali Berisha priti sot në një takim ambasadorin amerikan Donald Lu, për të diskutuar për reformën në drejtësi. Ambasadori Donald Lu shprehu rëndësinë që SHBA-të  i kushtojnë kësaj reforme.

Nga ana tjetër, Berisha theksoi se opozita është forca politike më e interesuar për reformën, të cilën sipas tij Rama bëri gjithçka ta përjashtonte nga procesi, edhe pse nuk kishte ndodhur kurrë që Kushtetuta të amendohej pa opozitën. ?Kjo praktikë që ndoqi Rama bëri që të humbet një vit kohë dhe dy draftet të kthehen me vërejtje thelbësore nga Komisioni i Venecias, vërejtje që në tërësi ishin paraqitur nga opozita?, ka thënë Berisha.

Mësohet se në takim është disutuar edhe për rastin e Arben Frrokut, të cilin Berisha e cilësoi si një dëshmi të lidhjeve të qeverisë me krimin.

“Rasti Arben Frrokut është një dëshmi tjetër e lidhjeve të fuqishme të Ramës dhe qeverisë së tij me krimin ndaj dhe ndihma e SHBA-ve në problemet e dekriminalizimit është e një rëndësie shumë të madhe”, u shpreh Berisha.





Lajmet e fundit nga