web counter
LEXO PA REKLAMA!

SHKARKO APP

App Store
Google Play

FOTOT- Vrasja tek ish blloku/ Ja kush është oficeri i policisë që u gjend në ngjarje

2 Maj 2016, 16:10, Aktualitet CNA

Grupi hetimor ka thelluar hetimet mbi ngjarjen e ndodhur mbrëmë rreth orëve të mesnatës në një nga lokalet e zonës së ish-bllokut në kryeqytet.

Burime zyrtare nga policia i thanë citynews se janë marrë në pyetje dëshmitarët në vendngjarje si dhe janë vëzhguar imtësisht kamerat. Personat e pyetur nga policia janë ata që ishin të pranishëm në ambientet e lokalit ndërkohë kanë dhënë deponimet e tyre edhe gazetari Spartak Koka dhe oficeri i policisë që ndodhej në tavolinë me të në momentin e vrasjes.

Sipas policisë, gazetari Koka ka qenë nën shoqërinë e oficerit të policisë Alban Trimit dhe më pas në tavolinë janë bashkuar edhe dy persona të tjerë, njëri prej të cilëve viktima Elton Çiço.

Alban Trimi është oficer policie, ish shef i antidrogës, i lëvizur nga kjo detyrë në janar të vitit 2013 duke e transferuar në drejtorinë e policisë të Qarkut Kukës.

Prej disa ditësh, Trimi kishte mundur të siguronte rikthimin e tij në kryeqytet. Ai tashmë kishte marrë detyrën si inspektor në komisariatin nr.5 në Kamëz. Alban Trimi, sipas policisë njihej me mikun e viktimës. Kjo ishte arsyeja që ata iu bashkuan tavolinës. Të gjitha detajet e dhëna përpara grupit hetimor tregojnë se gazetari Koka dhe Alban Trimi janë miq, por gazetari nuk i njihte dy personat e tjerë.

Më poshtë po sjellim disa foto të oficerit të policisë të pranishëm në ngjarje, midis tyre dhe një me gazetarin e kronikës në Tv Klan, Spartak Koka./citynews  





Lajmet e fundit nga