E fundit!

19:17 Politikë

Nga Sekretari i Përgjithshëm te nënkryetarët/ Lista e kandidatëve për ekipin drejtues të PD-së

Në mbledhjen e Këshillit Kombëtar të PD-së, kryedemokrati ...

Leonard Olli: Erion Veliaj të japë dorëheqjen për të mirën e Tiranës

2 Maj 2016, 13:41, Aktualitet CNA

Kryetari i këshilltarëve të Partisë Demokratike në Bashkinë e Tiranës, Leonard Olli, shkruan se dorëheqja e Erion Velisë është e vetmja zgjidhje për të administruar kryeqytetin.

Përmes një postimi në rrjetet sociale, Olli ka kujtuar vendimet që Veliaj ka marrë në kurriz të qytetarëve dhe në favor të klientëve të pushtetit sic janë: rritja e cmimit të biletës, buxheti rrënues, betonizimin e liqenit, skandalin e stadiumit dhe projekt-betonin për kullën tek sheshi ?Skënderbej?.

Sipas Ollit, në rast se Veliaj kërkon miradministrimin e Tiranës, ai duhet të japë dorëheqjen.

Postimi i Leonard Ollit

Veliaj vijon me pseudo dëgjesa në shembullin e shefit të tij, Rama. Sajon dëgjesa me militantë dhe shkel hapur ligjin, duke mos thirrur mbledhjen e Këshillit Bashkiak, që sipas ligjit duhet të mblidhet të paktën një herë në muaj, si i vetmi organ vendimmarrës. Pasi ngriti çmimin e biletës, në kurriz të qytetarëve, në favor të klientëve të pushtetit, tashmë tregon përralla pasi ky shërbim jo vetëm nuk është përmirësuar, por është përkeqësuar. Me cinizëm flet për buxhetin rrënues, me të cilin grabit mundin dhe djersën e qytetarëve dhe bizneseve të cilët janë thuajse të falimentuar dhe të dëshpëruar, e tashmë të kërcënuar nga dhuna policore, veç asaj fiskale, dhe pretendon për miradministrim të tij. Sigurisht që klientët e tij dhe mafia e betonit ndjehen të ngazëllyer nga ky ?miradministrim?, si përfituesit e vetëm në korrupsion të plotë. ?Miradministrim? mund të quhet dhënia e tendrave kompanive fantazmë, të krijuara vetëm pasi ai uzurpoi karrigen e kryetarit apo kompanive që ligjërisht kanë pezulluar aktivitetin e tyre apo edhe mbi 30 prokurime të drejtpërdrejta, në shkelje flagrante të ligjit të prokurimeve publike. E të gjitha këto guxon ti quajë miradministrim. Mjafton vetëm një orë shi dhe Tirana shndërrohet në Venecia, por asnjë investim në këtë kuadër, vetëm beton. Beton në shkelje të ligjit te Liqeni, projekt-beton e kulla te sheshi Skënderbej, pa përfshirë skandalin te stadiumi ?Qemal Stafa?. I mirënjohur si mashtrues publik, të paktën të pranojë se mashtroi edhe në rastin kur premtoi publikisht se do të dorëhiqej nëse te Liqeni do të hidhej sado pak beton apo do të pritej qoftë edhe një pemë e vetme, fakte që sot nuk ka mundësi as ai vetë ti mohojë…. Nëse qoftë edhe për një çast të vetëm do të donte të miradministronte qytetin, kjo mund të bëhej vetëm nëse do të dorëhiqej! Vetëm në këtë mënyrë do t? i jepte mundësinë kryeqytetit të miradministrohej!