E fundit!

19:17 Politikë

Nga Sekretari i Përgjithshëm te nënkryetarët/ Lista e kandidatëve për ekipin drejtues të PD-së

Në mbledhjen e Këshillit Kombëtar të PD-së, kryedemokrati ...

Masat për bujqësinë/ Jorida Tabaku: Të bësh propagandë është më e lehtë se të punosh

2 Maj 2016, 13:28, Aktualitet CNA

Deputetja e Partisë Demokratike ka reaguar menjëherë pas deklaratës së Ministrit të Brendshëm Arben Ahmetaj lidhur me masat që do ndërmarrë qeveria për bujqësinë. Përmes një deklarate për shtyp, Tabaku tha se dekalrata e ministrit Ahmetaj është një propagandë e qeverisë për të gënjyer sa më shumë që shqiptarët të harrojnë premtimin e 300 mijë vendeve të reja të punës.

Deklarata e Jorida Tabakut

Të bësh propaganë është më e lehtë se të punosh.

Në vitin e fundit të një mandati që ka prodhuar rënie ekonomike, qeveria në mungesë ideje, vizioni e mbi të gjitha rezultatesh ka vendosur që të baltosë edhe kundërshtarin. I gjendur përballë një krize të thellë konsumi që vendin e ka cuar në një deflacion dhe recesion, qeveria ka vendosur që në vend të një pakete shpëtimi të merret me opozitën dhe ofertën e saj.

Të bësh propaganë është më e lehtë se të punosh. Duhet gënjyer sa më shumë që shqiptarët të harrojnë premtimin e 300 mijë vendeve të reja të punës. Duhet gënjyer që të harrohet premtimi i 160 mln USD investimeve në kanalet vaditëse madje duhet ndërtuar një gënjeshtër sa më e madhe që fermerët të harrojnë përmbytjet e dy viteve rresht ndërsa qeveria pasuronte veten dhe rriste luksin për zyrat e saj.

E sigurisht që shifrat janë kokëforta. Të dhënat e vetë qeverisë tregojnë se bujqësia pati një peshë të konsiderueshme në rënien e PBB-se (në masën 1.94%). Duke ulur punësimin në sektorin bujqësor, vetëm për vitin e shkuar me 3.5%, ndërsa subvencionet bujqësore shkojnë në xhepat e grosistëve që në shumicën dërrmuese të rasteve janë miqtë pranë qeverisë.

Në gjatë këtyre 3 viteve ne kemi propozuar 60 amendamente për të rritur punësimin, e investimet e huaja e për të gjallëruar ekonominë. Sot Shqipëria ka nivelin më të ulët të exporteve në rajon, duke rënë me 17%, ekonominë më pak tërheqëse për investimet e hauaj ku investitorët e huaj si rezultat i taksave të larta, paparashikueshmërisë së ligjeve e korrupsionit preferojnë të investojnë në rajon.

Duke pasur parasysh këto tregues negativë, e duke apsur parasysh që bujqësia ka nevojë për një timul të ri, oferta e re i garanton bujqësisë jo vetëm 150 milion euro në buxhet, por edhe 100 milion euro subvencione që do të shkojnë në dorën e secilit fermer, sepse ne besojmë që fermeri e di më mirë se sa grosisti pranë qeverisë se ku duhen shpenzuar. Programi i Partisë Demokratike i ofron fermerit 50 milion euro investime në infrastrukturën bujqësore ndryshe nga kjo qeveri që ka investuar miliona euro në lluksin e zyrave apo lluksin personal të ministrave.

Nuk ka asnjë arsye pse të sulmojë programin që premton uljen e taksave, rritjen e pagës minimale dhe nxitjen e rritjes së konsumit sepse në këto 3 vite kanë dëshmuar që nuk kanë asnjë vizion dhe një projekt për të ardhmen. Fermerët dhe shqiptarët sot janë në situatën më të vështirë, e nuk ka nevojë të leexojmë shifrat e qeverisë, por cdo ditë, në cdo takim, në cdo qytet shihet qartë që kanë nevojë për një alternativë që është një mundësi zhvillimi.