web counter
LEXO PA REKLAMA!

SHKARKO APP

App Store
Google Play

E fundit!

x

Skandali me aeroportin e Kukësit/ Fituesi i tenderit pa garë dhe me 99.9% të vlerës

22 Prill 2016, 16:25, Aktualitet CNA

Skandalet me procedurat e tenderimit duket se nuk kanë të ndalur. Citynews sjell sot një tender të zhvilluar nga Autoriteti i Aviacionit Civil, ku fituesi është shpallur pa pasur ofertues të tjerë në garë. Përveç këtij fakti, rezulton se fituesi ka fituar me 99.9% të vlerës së fondit limit.

Siç duket më poshtë në materialet e siguruara nga citynews, bëhet fjalë për ?Shërbimin e Ruajtjes dhe Sigurinë Fizike të Aeroportit të Kukësit?. Procedura e prokurimit është zhvilluar në datën 28 të muajt mars, ndërsa njoftimi i klasifikimit është bërë në datë 4 prill të këtij viti.

Ndërkaq, ofertuesi i vetëm është subjekti ?SHTIQNI?, i cili automatikisht është shpallur fitues nga Autoriteti i Aviacionit Civil, institucion ky në varësinë e Ministrisë së Transporteve.

Subjekti ka fituar me 99.9% të vlerës së fondit limit, duke përfituar në këtë mënyrë rreth 106 milionë lek të vjetra.

Citynews ngre dyshimin lidhur me procedurën e ndjekur në tenderin në fjalë. Siç është përmendur më sipër, fitimi me 99.9% të vlerës në një tender pa garë, lë hapësirë për dyshime, të cilat ne si media kërkojmë të na i sqarojë Ministria e Transporteve./Citynews





Lajmet e fundit nga