web counter
LEXO PA REKLAMA!

SHKARKO APP

App Store
Google Play

E fundit!

x

U ekzekutua nga RENEA/ CV-ja kriminale e Petrit Dushit

22 Prill 2016, 13:41, Aktualitet CNA

RENEA ekzekutoi sot të shumë kërkuarin Petrit Dushi gjatë një operacioni për kapjen e tij. Burime nga policia thanë se Dushi mbeti i vrarë pas përplasjes me armë me forcat speciale. Dushi ishte i dënuar me 20 vjet burg për vrasje. Petrit Dushi, 45 vjeç ishte i dënuar me 17 vjet për vrasje, 3 vjet per falsifikim dokumentesh dhe ishte ne gjykim për vrasjen e M. J.

2002- Policia e akuzon Dushin se 14 vite më parë, pas një debati për motive pronësie 44-vjeçari ekzekutoi një bashkëfshatar të tijin. Ngjarja ka ndodhur pikërisht në ditën që viktima i fundit martonte të bijën. Konflikti i pronësisë mësohet se ishte shkaku i vrasjes dhe prej asaj kohe Dushi u shpall në kërkim nga policia. Nga ajo ditë mendohet se Dushi  jetonte në arrati në malet e Mirditës.

2013- Në tetor të vitit 2013, Dushi kreu vrasjen e dytë. Policia informonte se viktima e krimit është shtetasi Mark Jaku, i cili pas një konflikti me autorin, për motive banale, është qëlluar disa herë me automatik. Në atë kohë, policia ka identifikuar si autor Petrit Dushin, nga fshati Kaçinar i Mirditës dhe tha se autori i vrasjes ishte person i shpallur në kërkim prej 10 vitesh, për një vrasje të kryer në Kaçinar të Mirditës, si dhe për ?falsifikim dokumentesh?

2015- Policia nisi në shtator të vitit 2015 një aksion për kapjen e tij, por pas përplasjes me armë, ku Dushi mbeti i plagosur, ai arriti ti shpëtojë forcave Renea. Në atë kohë përveç forcave tokësore të RENEA-s, policia përdori edhe një helikopter për të kontrolluar zonën, por pa mundur të kapte Petrit Dushin.





Lajmet e fundit nga