web counter
LEXO PA REKLAMA!

SHKARKO APP

App Store
Google Play

Terrorizmi dhe emigrantët/ Tahiri dhe Bushati në Selanik

22 Prill 2016, 09:57, Aktualitet CNA

Ministri i Punëve të Brendshme Saimir Tahiri dhe nga ministri i Punëve të Jashtme Ditmir Bushati ndodhen në Selanik të Greqisë, ku po mbahet Samiti dyditor i ministrave të Brendshëm e të Jashtëm të rajonit (Shqipërisë, Greqisë, Maqedonisë dhe Bullgarisë) me në qendër çështjen e refugjatëve.

Saimir Tahiri pas takimit u shpreh se ?Ky takim shërbeu fillimisht për të kuptuar të gjithë bashkë se jemi të dënuar për të bashkëpunuar shumë më shumë nga ç?kemi bërë deri tani. Çdo motiv që kemi pasur për mos të bashkëpunuar përballë sfidës së refugjatëve kthehet në zero, e na ve përpara detyrimit që në mënyrë intensive të bashkëpunojmë fillimisht për të shkëmbyer informacion; për monitorimin dhe menaxhimin e përbashkët të kufirit ndërmjet vendeve kufitare si dhe për shkëmbimin e elementëve të sigurisë që duhet të ndërmarrim në kuadër të krizës së refugjatëve?.

Më tej ai shtoi se ?Ramë dakord që kjo është një krizë që duhet përballur në nivel europian dhe rajonal, për t?iu përgjigjur me solidaritet e humanizëm domosdoshmërisë në fjalë. E nga ana tjetër, po bashkërisht të përballemi me sfidën e garantimit të sigurisë duke bërë ç?është e mundur që në cilindo prej vendeve europiane apo të rajonit, elementë radikalë e terroristë të mos penetrojnë nëpërmjet krizës së refugjatëve, duke venë në rrezik vlerat, të cilat ne mbrojmë në Shqipëri, rajon dhe më gjerë?.

Pas takimit foli edhe ministri Bushati, i cili gjithashtu tha se kjo është një çeshtje e përbashkët e gjithë Europës. ?Kjo nuk është çeshtje bardh e zi, të hapen apo jo kufijtë?-tha ai.

 





Lajmet e fundit nga