web counter
LEXO PA REKLAMA!

SHKARKO APP

App Store
Google Play

E fundit!

x

Biznesmeni Fisheku sërish i arrestuar/ Precedenti me naftën virgin

22 Prill 2016, 06:39, Aktualitet CNA

I arrestuari i tetë sot, përveç  7 inspektorëve tatimorë, është Iliaz Fisheku, 57 vjeç, banues në Tiranë, administrator i subjekteve ?Martini Petrol? dhe ?Petrol Impex?. Inspektorët favorizonin bizneset e tij, duke ?mbyllur sytë?.

Por Fisheku ka një historik të njohur përsa i përket përballjes me drejtësinë, pasi ai vetëm tetorin e vitit 2011 u lirua nga burgu, si i fundit nga 13 të arrestuarit si të dyshuar për kontrabandën e naftës virgine. Biznesmeni Iljaz Fisheku ka lënë qelinë për shkak se gjykata e Tiranës me vendimin e datës 23 tetor 2011 ka urdhëruar lirimin e menjëhershëm nga qelia të ish-administratorit të kompanisë së naftës ?Fisheku?.

Gjatë dhënies së vendimit për lirim nga qelia, biznesmeni Iljaz Fisheku ka qenë i shtruar në ambientet e Spitalit Ushtarak në Tiranë, për shkak të disa komplikacioneve me shëndetin. Iljaz Fisheku është personi i fundit që ka lënë qelinë nga të arrestuarit e kontrabandës virgine, skandal ky që u denoncua publikisht nga ish-ministri i Ekonomisë, Dritan Prifti.

Bëhej fjalë për një skandal që përfshinte periudhën 2007-2009, ku sasi të konsiderueshme te nënproduktit të naftës bruto të përpunuar dhe të njohur si ?Vergine?, është tregtuar në territorin e Republikës së Shqipërisë në kundërshtim me ligjin dhe në dëm të konsumatorëve, duke e paraqitur atë si benzinë të pastër për konsum”. Vetëm nga shmangja e taksave shtetit iu shkaktua një dëm prej 2 miliardë lekësh.





Lajmet e fundit nga