web counter
LEXO PA REKLAMA!

SHKARKO APP

App Store
Google Play

E fundit!

x

Shënim/ Dy skenaret politike pas deklaratës së Berishës

21 Prill 2016, 19:27, Aktualitet CNA

Deklarata e sotme e ish-Kryeministrit Sali Berisha për miratimin e ligjit që pajis qytetarët me armë ka tronditur jo vetëm politikën dhe median shqiptare, por ajo pati jehonë edhe në mediat ndërkombëtare. Por çfarë sjell në vetvete deklarata e Berishës?

Deputetët socialistë kanë artikuluar dhe akuzuar Berishën se ka shkelur nenin 222 të Kodit Penal për thirrjen e bërë, duke rrezikuar nga 5 deri në 10 vite burg. Referuar historisë së politikës shqiptare, nisma të tilla nga ana e socialistëve ndaj Berishës kanë rezultuar flluska sapuni, në drejtimin e ndjekjes së çështjes.

Nëse shefi i qeverisë, Edi Rama i shkon deri në fund të kësaj polemike, dhe ndodh një arrestim i ish-Presidentit dhe ish-Kryeministrit Sali Berisha, natyrshëm lind pyetja se si do të reagonin qytetarët ndaj kësaj ?prangosjeje? të mundshme?!

Dihet fakti se Berisha ka një mbështetje të madhe tek demokratët e flaktë, të cilët ende e shohin atë si kreun e PD-së dhe liderin e saj.

Një tjetër skenar është ai i miratimit të ligjit të propozuar nga ish-kryeministri. Edhe pse opozita mund të mos i ketë votat e mundshme për miratimin e ligjit, një rrjedhje votash nga LSI mund të jetë një lëvizje në skenën politike.

Vlen të theksohet se asnjë prej eksponentëve apo përfaqësuesve të LSI-së, sot nuk janë prononcuar për deklaratën e Berishës. Pra të dy skenaret jane në fuqi. Por kryeministri i vendit në asnjë nga rastet nuk është faktor vendimmarrës. Sërisht veprimet e mëtejshme politike në qendër të skenes mbajnë Berishën. /citynews





Lajmet e fundit nga