web counter
LEXO PA REKLAMA!

SHKARKO APP

App Store
Google Play

Çeshtja Top-Channel/ Zina Sollaku përjashtohet nga trupi gjykues

22 Prill 2016, 09:38, Aktualitet CNA

Gjykata e Apelit përjashtoi sot Zeqine Sollakun nga trupi gjykues në lidhje me procesin që aksionerët kryesorë të Top-Channel kanë me Vjollca Hoxhën.

Nga burime pranë kësaj gjykate Cityneës mësoi se trupi gjykues i mbledhur për të vlerësuar konfliktin e mundshëm të interesit të gjykatëses Zeqine Sollaku, gjatë seancës gjyqësore në mes aksionerëve me 60 % të Top-Channel dhe Vjollca Hoxhës, është vendosur që gjyqtarja të përjashtohet nga trupi gjykues.

Dosja ndodhej në Gjykatën e Apelit, ndërsa paditësit Albert Sino dhe Aurel Baçi, dy aksionerët kryesorë të televizionit, kanë shprehur rezerva të forta ndaj trupit gjykues të caktuar për të vlerësuar masën e

dhënë nga Gjykata e Faktit. Zeqine Sollaku është kontestuar nga pronarët me 60% të aksioneve të kanalit që tashmë i është lënë në administrim për fazën kalimtare Vjollca Hoxhës, ish bashkëshortes së pronarit të ndjerë Dritan Hoxha. Është tashmë një fakt i njohur publik lidhja e fortë shoqërore midis Adela Sollaku vajzës së gjykatëses Zeqine Sollaku dhe Lorit vajzës së Vjollca Hoxhës.

Sipas burimeve nga gjykata, paanësia e gjyqtares Sollaku konsiderohet e kompromentuar nga akionerët kryesorë, për shkak të afrisë së saj familjare me njërën nga palët në konflikt dhe përkatësisht me Vjollca Hoxhën, kjo ka bërë që trupi gjykues të vlerësojë sit ë drejtë ankimimin dhe të përjashtojë Sollakun.  /Citynews





Lajmet e fundit nga