E fundit!

12:04 Opinione Mentor Kikia

Funerali i “Investitorit Strategjik”, ligji më i zi në historinë e Parlamentit Shqiptar!

Kryeministri i Shqipërisë i premtoi Komisionit Europian se...

Skandali/ Arkitekti i Arenës Kombëtare, i arrestuar për korrupsion në Itali

22 Prill 2016, 12:02, Aktualitet CNA

Projekti i Arenës Kombëtare, i shumëpritur nga shqiptarët, ka nxjerrë në pah edhe skandalin e radhës, pasi arkitekti italian rezulton i arrestuar për korrupsion në vitin 2008. Dje, Presidenti i Federatës së Futbollit, Armand Duka dhe Kryeministri Rama, paraqitën projektin dhe u shprehën se projekti ishte fituar nga kompania ?Archea? me arkitektin Marco Casamonti. Të dy i ofruan shqiptarëve një arkitekt të arrestuar për korrupsion në Itali në vitin 2008

Kryeministri Rama tha gjatë prezantiimit, se shpresonte që arkitekti, i cili sapo kishte përfunduar të dytin stadium modern të Italisë, stadiumin e Udines të bëjë një shpjegim shterues, për faktin se sot nuk ndërtohen më stadiume për një ditë. Rama ka bërë një vlerësim për Marco Casamotni dhe punën e tij për ndërtimin e dy stadiumeve modern në Itali dhe ky ish Shqipërisë sipas kryeministrit do të jetë I treti modern.

?Nuk e ekzagjeroj, sepse nuk është aspak e vështirë në këtë aspekt nëse ke vizionin e duhur, vendosmërinë e duhur dhe skuadrën e duhur, siç besoj që sot që është një skuadër e duhur, përmes partneritetit mes qeverisë, federatës, arkitektit të madh italian Marco Casamonti dhe një kompanie të shquar shqiptare?, tha Rama duke vlerësuar arkitektin e arrestuar në vitin 2008, për projektin.

Një projekt në partneritetin privat-publik, siç I pëlqen kryeministrit ose koncesion shqip. Shteti shqiptar do jetë pjesë e një projekti 50 milionë euro, ku arkitekti është një person i arrestuat dhe hetuar më parë në Itali për korrupsion në vitin 2008.

Arkitekti që drejtësia italiane e hetoi për një aferë korruptive, ku hetuesit gjetën fakte që e implikonin italianin në një tender prej 98 mijë eurosh. Akuza ndërtohej mbi një skemë të thjeshtë: Arkitekti përgjidhte fituesit e tenderit. Tanimë, fatet e krenarisë së futbollit shqiptar do t?i lihen në dorë një personi që minimalisht ka humbur besimin e shtetarëve të tij, pasi u arrestua dhe akuzua për korrupsion.

Një arkitekt që gjen hapësira korupsioni në Itali, çfarë bën në Shqipërinë tonë të zhytur thellë e më thellë në afera korruptive? Arrestohet për 98 mijë euro në Itali vjen në një projekt 50 milion euro në Shqipëri.

Arkitekti Marco Casamonti ishte një nga 7 të dyshuarit për korrupsion gjatë hetimit mbi urbanizimin e zonës së Kalasë, në Firence. Sipas prestigjozes italiane ?La Repubblica?, në qendër të hetimeve në vitin 2008, të cilat çuan edhe në arrestimin e tij, ishte një tender i komunës së Terranovës në Firence, ku shuma e përfolur ishte 98 mijë euro. Përveç Casamontit, u hetuan edhe disa të tjerë, nën hetimin e prokurorit Giuseppe Quattrochi.