E fundit!

07:30 Kosova & Bota

Tronditet Venezuela/ Dy tërmete të fuqishme godasin vendin, 32 viktima dhe mbi 700 të plagosur

Dy tërmete të fuqishme me magnitudë 7.2 dhe 7.5 ballë të s...

Ahmetaj pret homologun kosovar/ Diskutime për lehtësimin e barrierave për shkëmbimet tregtare

22 Prill 2016, 14:45, Aktualitet CNA

Kur kanë mbetur rreth 5 javë nga mbledhja e përbashkët e qeverisë shqiptare dhe asaj kosovare, ministrat e Financave, Arben Ahmetaj dhe homologu kosovar, Avdullah Hotin, zhvilluan të premten një takim në Tiranë.

Dy krerët e financave publike pas takimit deklaruan për mediat se diskutuan mbi progresin e çështjeve të dakordësuara nga mbledhja e fundit e përbashkët e dy qeverive dhe problematikat e dala gjatë kësaj kohe, për të cilat ata thanë se do të adresohen.

Në takim ishin edhe drejtorët e përgjithshëm të Tatimeve dhe Doganave të të dy vendeve. Ministri i Financave, Arben Ahmetaj, në fjalën e tij vuri në dukje se kishin diskutuar një sërë elementesh prokatiko-operacional dhe ligjor, si dhe se kishin rënë dakord për një axhendë shumë intensive deri para mbledhjes përbashkët të qeverive.

?Diskutuam kryesisht për thjeshtimin e procedurave doganore, shkëmbimin e informacionit apo edhe grupeve operacionale të përbashkëta. Praktika e deritanishme mes dy institucioneve ka qenë shumë e mirë. Jam i bindur që po kështu do të vazhdojë edhe në të ardhmen?, tha ai.

Sipas tij, fokusi u vendos në ato çështje që bëjnë diferencë në terrenin ekonomik fiskal dhe në bashkëpunimin mes autoriteteve tatimore e doganore të të dy vendeve Ndër çështjet ku pritet të përmirësohet bashkëpunimi. Ahmetaj përmendi operacionet doganore që kanë të bëjnë me punën e doganave 24 orë në 7 ditë, ku përfshihen edhe çështjet e agjentëve doganorë, çështjet e tranzitit doganor dhe aksesit në sistemi informatik Asycuda të të dyja doganave.

?Janë çështje operacionale të shkëmbimit të informacioneve të importit, eksportit apo mallrave tranzit, uljen e barrierave në të dyja anët në terminalet doganore dhe një sërë çështjesh të tjera që kanë të bëjnë me unifikimin e licencave, çertifikave që lehtësojnë punën e importuesve e eksportuesve, ato çështje që kemi evidentuar e duhet të zgjidhen brenda fundit të muajit maj. Ministri informoi edhe mbi një takim mes importuesve dhe eksportuesve të të dy vendeve në Prizren?, tha ai.

Ndërsa homologu kosovar, Avdullah Hoti, theksoi se takimi ishte konstruktiv dhe se disa prej problematikave të ngritura nga mbledhja e fundit e përbashkët kanë njohur progres. ?Bëmë një rishikim të progresit të arritur nga mbledhja e fundit e qeverive, shumica e të cilave kanë njohur progres. Kemi identifikuar edhe disa çështje që duhet t?i adresojmë para mbledhjes së përbashkët të qeverive?, theksoi ai.