E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Arrestimi i Emiljano Shullazit/ Ja si bashkëpunuan Berisha dhe Meta

18 Prill 2016, 16:15, Aktualitet CNA

Ish-kryeministri i vendit Sali Berisha, vazhdon të jetë një faktor i rëndësishëm politik, jo vetëm në artikulime, por edhe në veprime të cilat shkojnë në rezultate konkrete si rasti i bashkëpunimit të mundshëm të tij me Ilir Metën për të cuar në pranga Emiljano Shullazin.

Në akuzat e tij, të vazhdueshme ish-kryeministri ka qenë i kujdesshëm që asnjëherë, në asnjë rast në denoncimet e tij për Shullazin, të mos bashkojë Metën me kreun e qeverisë Edi Rama.

Në cdo rast, shigjeta ka qenë ministri i Brendshëm Saimir Tahiri dhe së fundmi, vetë kryeministri Edi Rama.

Bashkëpunimi

Dalja e Berishës në një konferencë të jashtëzakonshme për shtyp, ndërkohë që prej disa ditësh nuk dilte për shkak të një gripi të rëndë, për më tepër mungoi edhe në seancën parlamentare të ditës së enjte, është sinjali i parë se ish-kryeministri i vendit ka qenë në dijeni të hetimeve të bëra nga Prokuroria për raste të tjera. Mosveprimi vinte nga policia dhe për ta shmangur një ndihmë të mundshme të strukturave të policisë ndaj Emiljano Shullazit, Sali Berisha del në publik dhe nuk sulmon për aktet kriminale që ai mund të ishte në dijeni, por përdor një ngjarje e cila mund ta conte lehtësisht Sullazin në ambientet e policisë. Do të mjaftonte vajtja në këto ambiente që më pas të vepronte prokuroria. Në rast se Berisha do të akuzonte për vepra të rënda kriminale, apo të informonte ato cfarë po hetonte prokuroria, gjithçka do të mbetej si një akuzë politike e radhës prej tij.

Ish-kreu i qeverisë, i bindur në reagimin e institucionit të prokurorisë, kreun e të cilit e ka zgjedhur në bashkëpunim të drejtpërdrejtë me Ilir Metën, ka filluar aksionin e tij.

Ilir Meta ka qenë në dijeni njësoj si Berisha edhe për rastin e profesor Konit dhe profesor Kules, por edhe për ato veprime që kryente prokuroria, të cilat në fakt mund të dekonspiroheshin nga policia, apo mund të kishte rrjedhje informacioni që mund të conin në largimin dhe fshehjen e Emiljano Shullazit.

Berisha del në një konferencë shtypi dhe policia detyrohet ta shoqërojë me ?konsensus? Emiljano Shullazin dhe miqtë e tij. Në fakt, cështja ?Koni? ka pasur denoncimin e Berishës dhe qëndrimin e Emiljano Shullazit përballë oficerëve të policisë. Por kjo nuk do të mjaftonte për arrestimin e tij. Prokurori Adriatik Llalla, i zgjedhur nga Berisha dhe Meta dhe i njohur në qarqet politike dhe mediatike si Prokuror i Përgjithshëm i kontrolluar nga Ilir Meta, fillon lëvizjen e tij duke nxjerrë nga sirtari fletë-arrestin, jo për cështjen Koni, por për cështje të tjera.

Denoncimi publik i Berishës dhe një veprim i kryeprokurorit të Ilir Metës, coi në pranga me urdhër arresti Emiljano Shullazin duke shmangur në cdo rast policinë dhe dijeninë e saj për hetimet që kishin zhvilluar ?Krimet e Rënda?.

Opozita e ka akuzuar shpesh Shullazin si njeriun pranë Saimir Tahirit dhe Kryeministrit Edi Rama. Ky mund të ishte një rrezik në zgjedhjet e ardhshme për Metën dhe për partinë e Berishës që sot drejtohet nga Lulzim Basha. Një veprim i tyre në heshtje dhe një ?konsensus politik? pa zhurmë, ka cuar të fortin Shullazi në pranga. Ndërkohë ministri i Brendshëm dhe policia fatkeqësisht ka mbetur me gisht në gojë. Miku i ministrit të Brendshëm arrestohet pas një veprimi aktiv të Berishës me Metën.

Vetëm një bashkëpunim i tillë midis dy ?ujqërve? të politikës mund të jepnin këtë rezultat që tregon se ?dashuria? e Ilir Metës për Sali Berishën vazhdon të mos shuhet. Një lojë e shpejtë e tyre dha rezultate konkrete duke treguar se ata janë dy faktorë të rëndësishëm që mund të tronditin stabilitetin e qeverisë Rama./citynews