web counter
LEXO PA REKLAMA!

SHKARKO APP

App Store
Google Play

E fundit!

x

Video-Ekskluzive/ Makina merr flakë në Tiranë, operatori i zjarrfikëses nuk i beson qytetarëve

18 Prill 2016, 13:14, Aktualitet CNA

Një makinë  tip ?Benz? është përfshirë papritur nga zjarri pranë ?Medresesë? në Tiranë.  Për fat të mirë,  nuk pasur persona të lënduar, por banorët e zonës janë përfshirë nga paniku për shkak se zjarrfikësja erdhi  një orë pasi u lajmërua.

Burime nga vendngjarja thanë për citynews se makina qëndronte e ndezur edhe pse ishte e përfshirë nga flakët, cka mund të rrezikonte seriozisht banorët e pallateve përreth.

Megjithëse zjarrfikësja u lajmërua menjëherë pas rënies së zjarrit, ajo u vonua gati një orë.  Të njëjtat burime theksuan për citynews se në momentin që zjarrfikësja u njoftua, personi që fliste nga salla operative është treguar skeptik dhe nuk i ka besuar versionit të qytetarëve edhe pse në vendngjarje ndodheshin forcat e rendit. Fillimisht ai e ka cilësuar telefonatën si tallje dhe më pas është justifikuar se makinat e zjarrfikëses janë bllokuar në trafik.

Banorët e pallateve qëndronin në ankth , pasi shumë pranë makinës që kishte marrë flakë ndodhen magazina, të cilat mund të përfshiheshin lehtësisht nga zjarri.

Pas një ore, makina e zjarrfikëses ka mbërritur në vendngjarje, kur zjarri thuajse ishte fikur. Ky rast tregon edhe një herë mungesën e profesionalizmit të zjarrfikëses, e cila edhe pse u njoftua që në fillim të ngjarjes nuk e mori seriozisht duke rrezikuar jetë njerëzish./citynews





Lajmet e fundit nga