E fundit!

09:42 Aktualitet

“Jam i kërcënuar me jetë, si unë dhe familja ime”/ Flet ish i dënuari, akuza oficerit të policisë gjyqësore

Besmir Gjezari sot ka përfituar lirinë falë projektligjit ...

Si u mor hotel “Vollga” në vitin 2010

18 Prill 2016, 10:55, Aktualitet CNA

Rreth 150 forca policie të Reneas, të mbërritura nga Tirana, dhe të mbështetur nga policia e Durrësit, kanë bërë bllokimin dhe sekuestrimin e Hotel ?Iliria?, ose ?Vollga? e dikurshme, duke u përplasur direkt me familjen Zakova, menaxherët e këtij hoteli që në regjistrat e hipotekës është në pronësi të ?Saudit Brother? në pronësi të Abdyl Azisi, një sheik arab i cili e bleu hotelin në 30 shtator të vitit 1994 për një shumë prej 800 mijë dollarë amerikanë.
Mëngjesin e 13 tetorit 2010, forca të shumta policie midis tyre edhe forca speciale të mbërritura nga Tirana, u kanë kërkuar menaxherëve të saj të lirojnë të gjitha ambientet sepse godina tre katëshe me sipërfaqe prej 3428 metrash katrorë, i ka kaluar pronarit me një vendim të Gjykatës së Apelit të rrethit të Durrësit. Vëllezërit Zakova dhe e gjithë familja e tyre janë përleshur me policinë, për disa minuta teksa uniformat blu të shumta në numër kanë nxjerrë një pjesë të materialeve, dhe 4 familje të pastreha që banonin në katet e sipërme të hotelit. Nga përplasja midis forcave të shumta të policisë, të armatosur deri në dhëmbë, midis menaxherëve të saj, dhe uniformave të shtetit, 2 prej vëllezërve Zakova janë shoqëruar në polici. Kundërshtimet midis palëve kanë arritur deri në atë pikë sa menaxherët e hotelit kanë deklaruar se e gjithë situata po shkon drejt hakmarrjeve dhe armëve. ?Nëse nuk do të vërë dorë shteti, që kjo pronë të mos tjetërsohet nga individë të veshur me pushtet politik, këtu do të kërcasë arma dhe gjaku në gju?, shpreheshin familjarët të cilët edhe një javë më parë ishin njohur me vendimin e Zyrës së Përmbarimit, e cila u ka kërkuar të lirojnë objektin. Situata ka precipituar minutë pas minute, deri në përplasje fizike, midis individëve dhe policisë, e cila kish marrë urdhër të vepronte me çdo mënyrë për të rrethuar objektin tre katësh dhe të largonte familjet që ushtrojnë aktivitetin aty, me kontratë të rregullt me banorët.

Menaxherët e hotelit:

Ata deklarojnë se pronari arab do të vijë së shpejti dhe sapo është njohur me këtë aferë të madhe korrupsioni që është bërë në mungesë të tij. Menaxherët e hotelit familja Zakova, të cilët e kanë në administrim nga pronari, deklarojnë se pas këtij vendimi fshihet një aferë e madhe korrupsioni pas së cilës qëndrojnë njerëz me pushtet, jo personi nga Elbasani i cili me dokumente të falsifikuara ka përfituar hotelin në disa procese gjyqësore të cilat janë bërë sa për sy e faqe. ?Janë djemtë e Arta Dades ata që fshihen pas kësaj afere?, deklaronte Resmije Zakova. Kjo familje pohoi se dokumenti origjinal i pronësisë i përket sheikut arab, ndërsa pronarët e rinj kanë falsifikuar dokumentet origjinale të pronësisë në proceset gjyqësore farse ku të implikuar janë disa gjyqtarë dhe punonjës të tjerë në gjykatën e Durrësit dhe atë të Apelit, prej nga ku ka dalë vendimi.

Hotel ?Vollga? ose ?Iliria? gjendet në një pozicion strategjik, në krye të shëtitores bregdetare ?Taulantia?, pak metra larg prej Torrës Veneciane, në një prej vendeve më të lakmuara prej ndërtuesve. Pikërisht interesat e mëdha dhe sipërfaqja e madhe e objektit, duket se fshehin një aferë të madhe korruptive në të cilën janë përfshirë shumë hallka të insitiucioneve, më së fundi edhe polica e shtetit.

Menjëherë me ardhjen e pluralizmit, qytetarja durrsake Alie Fortuzi ka marrë në pronësi pronën e konfiskuar nga regjimi komunist. Në vitin 1994 dy bashkëshortët Agim Sula dhe Alie Fortuzi e kanë shitur këtë objekt një sheiku Arab, kundrejt shumës prej 800 mijë dollarësh amerikanë, në një dokument që daton më 30 shtator të 2010-s. Më pas, çifti i moshuar ka emigruar në Greqi dhe mandej në Amerikë. Shitja është bërë kundrejt të gjitha rregullave dhe ligjeve në fuqi. Biznesmeni arab pronën e la në menaxhim dhe nën mbikëqyrje të familjes Zakova, e cila ka edhe një kontratë me pronarin e godinës. Prej disa muajsh, një vendim i Gjykatës së Apelit ka bërë pronar një shtetas tjetër i cili në dy shkallët e para ka fituar pronësinë e saj, dhe strukturat e shtetit, kanë kërkuar boshatisjen e objektit për kalimin në pronësi të pronarit të ri që sipas familjes Zakova është shtetasi Zamir Hasa nga qyteti i Elbasanit./Durrëslajm.com