web counter
LEXO PA REKLAMA!

SHKARKO APP

App Store
Google Play

Zyrtarët nuk dinë të plotësojnë formularët e vetëdeklarimit

18 Prill 2016, 06:47, Aktualitet CNA

Formulari i vetëdeklarimit është një nga vështirësitë e  procesit të dekriminalizimit. Deri më tani, të gjitha institucionet përgjegjëse, si SHISH, Kuvendi, Departamenti i Administratës Publike, Qeveria, KQZ, etj., kanë publikuar në faqen e tyre zyrtare formularët e vetëdeklarimit.

Afati i fundit për dorëzimin e tyre është data 4 maj, por një pjesë e madhe e zyrtarëve nuk i kanë dorëzuar formularët. Mësohet se shkak janë vështirësitë që kanë hasur në plotësimin e tyre. Pjesa më e madhe e zyrtarëve, përfshirë deputetë dhe kryebashkiakë i kanë cilësuar si të pakuptimta shumë pyetje dhe kërkesa që paraqiten aty, teksa i tremben dhe faktit se mos bëjnë gabim në hedhjen e të dhënave dhe kjo do të sillte probleme për ta më pas, shkruan ?Sot?

Sipas të dhënave, në KQZ një pjesë mjaft e madhe deputetësh dhe kryebashkiakësh i kanë dorëzuar formularët, por shumë të tjerë kanë kërkuar ndihmën e këtij institucioni, për t?i udhëzuar se si do të duhet të plotësojnë formularët. KQZ ka pasur në plan dhe nxjerrjen e një udhëzimi të veçantë, për të informuar deputetët dhe kryebashkiakët mbi mënyrën se si duhet të plotësojnë formularin. Situata është akoma dhe më e rëndë me zyrtarët e tjerë, pasi në institucione një pjesë e madhe ende nuk i kanë dorëzuar formularët.

Duket se të tilla probleme do të sjellin zvarritje të këtij procesi. Sipas ligjit dhe akteve nënligjore, në momentin që një institucion vëren parregullsi në plotësimin e formularit, apo pjesë të paplotësuara ja kthen atë mbrapsht zyrtarit për ta plotësuar saktë. Në shumë raste zyrtarë janë detyruar që të kërkojnë informacion pranë organeve të rendit apo drejtësisë për të mos bërë gabime në të dhënat që do të deklarojnë, duke sjellë dhe kjo vështirësi.





Lajmet e fundit nga