web counter
LEXO PA REKLAMA!

SHKARKO APP

App Store
Google Play

Ish-drejtuesi i policisë: Babai i Bleonës, “sigurimsi” që ka dërguar njerëz në Spaç

17 Prill 2016, 20:11, Aktualitet CNA

Ish­-drejtuesi i lartë i Policisë, Mithat Havari, ka deklaruar se babai i këngëtares Bleona Qereti, Nazmi Qeretin,është përgjegjës për shumë arrestime në fund të viteve ?80. Përmes një statusi në Facebook, Havari ka reaguar lidhur me rrëfimin e këngëtares mbrëmjen e së premtes.

Reagimi i plotë nga Mithat Havari

?Bleona Qereti ishte tek Arian Çani mbrëmë. Ajo deklaroi se babai i saj ishte oficer dhe se e kishin nxjerrë nga puna pas ?92­shit.

Më vonë takoi Sali Berishën president dhe ia ktheu të atin në punë. Vajza nuk thotë se babai i saj nuk ishte oficer i thjeshtë, por ishte zëvendëskryetar i Degës së Brendshme që mbulonte Sigurimin e Shtetit në Elbasan deri në rrëzimin e diktaturës, ku sigurisht mbaroi dhe parajsa e pushtetit të Nazmi Qeretit.

Në arrestimet e djemve të nënave shqiptare që kundërshtonin regjimin komunist dhe që mbushën burgjet e Spaçit, Burrelit, Qafë Barit etj., kontribuues ishte dhe babai i Bleonës, përfshi dhe arrestimin tim, që lidhet direkt me Nazmi Qeretin, bile nën kujdesin e tij.

Sigurisht, ajo nuk mban asnjë përgjegjësi për ç?ka bërë i ati i saj, ndaj po jeton ëndrrën e demokracisë, ëndrrën amerikane, por, miqtë e mi, ?dardha bie nën dardhë?, thotë populli.

?Sali Berisha më ndihmoi për babain, ? tha ajo, ? e respektoj, por Edi Rama është kryeministër i shkëlqyer, fat për Shqipërinë. Donald Trampi më ndihmoi, por unë do votoj Hilari Klinton?.

Është e bija e babait, ajo shkon në origjinën e saj.

Normale! Në fakt unë asnjëherë nuk kam dyshuar për këtë gjë, jo vetëm për rastin në fjalë, por edhe për histori ?xhaketëkthyerish? e më gjerë. Thjesht ishte një refleksion nga ana ime, kujtesë në lidhje me të tashmen dhe të shkuarën jo shumë të largët!?.

 





Lajmet e fundit nga