web counter
LEXO PA REKLAMA!

SHKARKO APP

App Store
Google Play

Goditja e paligjshmërisë/ Arrestohen 31 persona, shpallen në kërkim 9 të tjerë

18 Prill 2016, 07:37, Aktualitet CNA

Policia e Shtetit ka vijuar punën për goditjen e paligjshmërisë. Gjatë javë sëkaluar, janë arrestuar 31 persona dhe janë shpallur në kërkim 9 të tjerë për vjedhje të energjisë, ndërtim të paligjshëm dhe për prerjen e paligjshme të pyjeve.

Në drejtim të parandalimit dhe goditjes së vjedhjes së energjisë elektrike në të gjithë vendin kanë vepruar në terren 70 grupe të përbashkëta POLICI-OSHEE. Janë kryer 3.125 kontrolle në terren. Gjatë kontrolleve u evidentuan 34 raste të vjedhjes së energjisë elektrike, me 34 autorë. Nga këta, 18 autorë janë arrestuar në flagrancë, 3 autorë janë shpallur në kërkim dhe 13 autorë ndiqen në gjendje të lirë.

Në fushën e ndërtimeve të paligjshme , nga ana e Strukturave të Policisë së Shtetit në të gjithë vendin janë evidentuar 25 raste të ndërtimeve pa leje. Për këto raste janë evidentuar dhe proceduar 25 autorë nga të cilët, 7 autorë janë arrestuar në flagrancë, 15 autorë ndiqen në gjendje të lirë dhe 3 autorë janë shpallur në kërkim.

Në kuadër të masave për parandalimin e prerjeve të paligjshme të pyjeve, në të gjithë vendin ka nisur operacioni “Roja e Gjelbër”, gjatë kësaj periudhe në të gjithë vendin janë evidentuar 15 raste me 15 autorë, nga të cilët 6 jane arrestuar në flagrancë dhe 6 ndiqen në gjendje të lirë dhe 3 jane shpallur ne kerkim.

Ndërsa në fushën e organizimit të lotarive të palejuara , Policia e Shtetit ka evidentuar 9 raste me 9 autorë, të cilët ndiqen në gjendje të lirë. Edhe në javët në vazhdim , Strukturat e Policisë së Shtetit do vijojnë punën për parandalimin dhe goditjen e veprimtarisë së paligjshme.





Lajmet e fundit nga