web counter
LEXO PA REKLAMA!

SHKARKO APP

App Store
Google Play

E fundit!

x

Ministri Haxhinasto takim me ambasadorin e Austrisë Sattler

18 Prill 2016, 15:00, Aktualitet CNA

Ministri i Transportit dhe Infrastrukturës Edmond Haxhinasto, ka pritur në një takim ambasadorin e ri të Austrisë në Shqipëri z.Johann Sattler.

Ministri Haxhinasto,  e falenderoi ambasadorin për asistencën  e vazhdueshme të Austrisë në zhvillimin e infrastrukturës dhe ekonomisë së vendit, dhe u ndal veçanërisht në frytet e asistencës teknike në sektorin jetik të ujësjellës kanalizimeve. Më tej Ministri dhe Ambasadori, diskutuan mbi mundësitë e gjera për zhvillim e këtyre marrëdhenieneve. Ai vlerësoi si mundësi konkrete bashkëpunimin në sektorin e transportit hekurudhor, i cili paraqet nevoja të mëdha për investime.

Ministri Haxhinasto, vlerëroi eksperiencën austriake në këtë sektor, dhe shprehu gadishmërinë e intensifikimit të bashkëpunimit edhe në projekte konkrete të infrastrukturës.

Haxhinasto, paraqiti gjithashtu  si një sektor të rëndësishëm bashkëpunimi transportin ajror, në të cilin kompanitë austriake, janë prezent me shërbimet e tyre por që mund edhe të angazhohen në investime të infrastruktuës aeroportuale. Veçanërisht  pas  heqjes së ekskluzivitetit të operatorëve të Aeroportit të Rinasit.

Duke folur për procesin e Berlinit, Haxhinasto  shprehu besimin që mbas samitit të Vjenës, për rrjetin bazë të rajonit, Samiti i Parisit në 4 Korrik, do të sjellë rezultate konkrete në drejtim të financimit të projekteve të konektivitetit dhe infrastrukturës.

 





Lajmet e fundit nga