E fundit!

09:42 Aktualitet

“Jam i kërcënuar me jetë, si unë dhe familja ime”/ Flet ish i dënuari, akuza oficerit të policisë gjyqësore

Besmir Gjezari sot ka përfituar lirinë falë projektligjit ...

FOTO/ Vazhdon mburrja me punet e Lulzim Bashes!

18 Prill 2016, 13:30, Aktualitet CNA

Partia Demokratike shprehet se kryebashkiaku i Tiranës, Erion Veliaj, vazhdon të mburret me punët e Lulzim Bashës. Përmes një njoftimi për shtyp, PD thotë se projekti për Lumin e Tiranës, i cili u shit sot si puna e Erion Veliajt, është iniciuar nga krybashkiaku i mëparshëm, Lulzim Basha, por qeveria e bllokoi.

Deklarata e PD

Vazhdon mburrja me punet e Lulzim Bashes!

Meqenese bilanci i Veliajt eshte vetem beton, taksa të larta, rritje të çmimit të autobusëve, mungesë shërbimi, Erioni ka zgjedhur te mburret me punët e Lulzim Bashës.

Këtë gjë bëri sot dhe me Lumin e Tiranës, duke e shitur si projekt të tij, kur në të vërtetë i vetmi kontribut i Veliajt dhe shefit të tij është bllokimi i punës tek Lumi për rikualifikimin urban.

Punimet për rehabilitimin e Lumit të Tiranës, i njohur si bombë ekologjike dhe shkak i permbytjeve te medha, nisën në janar të vitit 2014.
Projekti i iniciuar nga Lulzim Basha parashikonte shndërrimin e lumit dhe hapësirës përreth në një oaz për banorët e bashkisë së Tiranës dhe të komunës së Paskuqanit. Deri në janar të 2011-ës ky lumë ishte përdorur si vend depozitim mbetjesh dhe në të derdheshin ujërat e zeza. Ai ishte shkaktar i permbytjeve te medha qe preknin cdo vit afro 1000 familje te zones!

Projekti i bashkisë së Tiranës, i hartuar sëbashku me Bulevardin e Ri nga studio ?Grimshaw? parashikonte zgjerimin e shtratit të lumit dhe krijimin e hapësirave të gjelbra në të dy anët e tij. Përmes argjinaturave do të mbroheshin zonat urbane nga rreziku i përmbytjeve, sikundër në të dy anët e lumit do ndertoheshin kolektorë për mbledhjen e ujërave të zeza, me qëllim që ato të mos derdhen më në lumë.
Falë kësaj ndërhyrje, Kryeqytetit i shtohen 1 milionë metra katrorë gjelbërim.

Nga janari deri në nëntor të vitit 2014 kontraktori arriti të zhvendosë 600 mijë ton mbetje nga shtrati i lumit, në një gjatësi prej 7 km. Këto punime pamundësuan përmbytje që banorët përjetonin pas çdo reshje shiu.

Projekti u bllokua me pas nga Edi Rama duke nderprerë vijimin e punimeve për gjelbërimin dhe krijimin e parqeve në të dyja anët e lumit si dhe hapesirat pedonale dhe rikrijuese për banorët, jo vetëm të kësaj zone por të gjithë Tiranës, cka do te rrise shumefish edhe vleren e prones.

Kryebashkiaku Basha kishte nisur negociatat me fondin e Abu Dabit që pjesë e financimit të bëhen edhe 1.5 km të tjera të gjatësisë se lumit, të shtrihet në zonë urbane duke e çuar në 8.5 km gjithë gjatësinë ku do të ndërhyhet nga bashkia e Tiranës për rehabilitimin e tij.

Te gjitha keto u nderprene dje me urdherin politik te Edi Rames, ndersa Veliaj sot zgjedh te mburret me punet e tjeterkujt.
Per te qare dhe per te qeshur!