web counter
LEXO PA REKLAMA!

SHKARKO APP

App Store
Google Play

Video/ Policia kryen 13 operacione në një javë, arrestohen 50 persona

29 Mars 2016, 13:16, Aktualitet CNA

Policia e Shtetit ka kryer 13 operacione të koduara për një javë, për goditjen e trafikut të lëndëve narkotike, të lëndëve eksplozive, të armëve të zjarrit e municioneve, armëmbajtjes pa leje, prostitucionit, etj. Në këtë kuadër janë zhvilluar kontrolle dhe operacione në të gjithë territorin e vendit për persona në kërkim, persona me precedent penal, armëmbajtje pa leje, prodhim dhe shitje narkotikësh, municion dhe lëndë eksplozive, deklaron policia.

Policia sqaron se pas një pune intensive të kryer nga Strukturat e Drejtorive Vendore të Policisë në Qarqe,  ku janë përfshirë, Sektori Kundër Narkotikëve dhe Trafiqeve, Sektori i Krimeve të Rënda, Forcat e Lëvizshme Operacionale, Forcat e Posaçme Operacionale, Shqiponjat dhe Patrullat e Përgjithshme, janë finalizuar me sukses Operacionet:

?Body?, ?Spring 2016?, ?Amplifikatorët?, ?Struga?, ?Mustang?, ?Greps?,  ?Velçani?, ?Befasia?, ?Farka 2016?,  ?Agimi?, ?Porosia?, ? Shpiragu? dhe ?Prita?.

Si rezultat janë arrestuar 50 persona për veprat penale ?Vrasje me dashje e mbetur në tentativë? , ?Prostitucion?, ?Prodhim dhe shitje narkotikësh?, ?Prodhim dhe mbajtje pa leje e armëve luftarake dhe e municionit?, ?Vjedhje në bashkëpunim? etj.

Janë sekuestruar 8 armë zjarri, 3 krehra, 4607 fishekë, 6 mina me telekomandë,1 snajper, 3 kg lëndë të dyshuara si tritol,100 kapsolla detonator, si dhe rreth 64 kg lëndë narkotike.

Gjithashtu janë sekuestruar automjete, telefona celularë dhe peshore elektronike me anë të të cilave këta shtetas kryenin veprimtarinë kriminale.

Edhe në ditët në vazhdim Policia e Shtetit do vijojë punën për rritjen e parametrave të sigurisë në vend dhe për parandalimin e goditjen e paligjshmërisë.





Lajmet e fundit nga