Denoncimi/ Bashkia e Durrësit jep dy herë fonde për të njëjtën rrugë

29 Mars 2016, 11:32, Aktualitet CNA

Bashkia e Durrësit ka dhënë dy herë fonde brenda vitit për rrugën ?Pavarësia? në Plazhin e Durrësit. Partia Demokratike në Durrës ka denoncuar këtë rast duke u shprehur se kjo rrugë u ndërtua me nxitim të madh në kohën e fushatës, ndërsa sot, pa kaluar ende një vit po rikualifikohet nënkalimi tek ?Ura e Dajlanit?.

?Investimi i vitit 2015 per rrugen ?Pavaresia? ne plazhin e Durresit, synonte te sillte realizimin e korsive te bicikletave, gjelberimit dhe ndricimin. Rruge e cila iu dha per ndertim me fondet e bashkise, pra nga taxapaguesit firmes me cmimin me te larte te ofertes me nje fond prej 168 milion lekesh pa tvsh . E gjithe kjo rruge, u ndertua ne nje nxitim te madh ne kohen e fushates zgjedhore, lokale ku dhe u quajt nje nder projektet vizionare te Bashkise se Durresit. Sot, gjendemi perpara faktit ku pa kaluar ende viti, po rikualifikohet nenkalimi, rotondes tek Ura Dajlanit, rikualifikim i cili vjen ne nje kohe kur sapo eshte mbyllur nje investim.?, thuhet në deklaratën e PD-së

Më tej, në deklaratën thuhet se: ? Te realizosh nje investim me fondet e buxhetit te shtetit ne 2016 do te thotë qe minimalisht ky investim duhet te ishte ne listën e prioriteteve te Bashkise per vitin 2015-2016 dhe per me tepër duhet te jete pjese e listës se parashikimeve 4 vjecare per investimet prioritare ku duhej te kalohej dhe ne keshillin bashkiak. Ky projekt pervecse nuk eshte nje investim prioritar, nuk eshte diskutuar ne Keshill Bashkiak dhe me grupet e interesit, kjo sepse nuk mund te jete kurrsesi prioritet nje investim i ri i cili zhbën ate ekzistues te sapo perfunduar pa e vene ende ne eficience. Tabela e punimeve e cila eshte nje nga elementet e transparencës, paraqet Bashkine Durres si investitorë nderkohe qe investitor eshte buxheti i shtetit dhe Bashkia Durres eshte përfituesi. Nuk ka qytetar taksapagues te Durresit dhe banor apo vizitor te plazhit qe te mos revoltohet kur sheh ne rrugen e sapo perfunduar nje tabele punimesh per ?Rikualifikimit e saj? ne nje hark kohor qe nuk kalon vitin duke prekur ndjeshem sezonin turistik te vitit 2016 dhe duke u nderhyre ne nje ndertim te sapoperfunduar. Rikualifikimi i ketij projekti, synon te nderhyje tek ndricimi dhe gjelberimi dy pikat kyce te projektit te 2015 dhe qe ndodhet ende brenda garancise dhe afateve ligjore.?

Partia Demokratike në Durrës shprehet se do ti drejtohet drejtësisë për këtë rast, ndërsa i ka bërë thirrje prokurorisë të verifikojë këtë investim të Bashkisë Durrës.

?Ekzistojne fakte dhe argumenta te cilat ngarkojne Bashkine Durres me pergjegjesi istitucionale por dhe morale per keqmenaxhimin e territorit nen juridiksionin e saj. Fakte te cilat Partia Demokratike, Durres do i drejtohet drejtesise. Kjo Bashki demonstron qarte se nuk ka nje vizion per qytetin, pasi projektet ndryshojne ne varesi te klienteles dhe jo interesave te taksapaguesve. Partia Demokratike, dega Durres denoncon faktin se Kryebashkiaku, nuk po i sherben qytetareve te cilet e votuan dhe nuk po punon per interesat afatgjata te qytetit te Durresit por synon vetem te grabise fondet publike apo dhe buxhetin e shtetit. I bejme thirrje Prokurorise te marre te gjitha masat per verifikimet e ketij investimi te Bashkise Durres?, përfundon deklarata e PD