web counter
LEXO PA REKLAMA!

SHKARKO APP

App Store
Google Play

E fundit!

x

Paloka viziton të ndaluarit e protestës: Policia është kapur nga krimi, duam drejtësi

29 Mars 2016, 12:06, Aktualitet CNA

Deputeti i Partisë Demokratike, Edi Paloka, ka vizituar sot në mesditë personat e arrestuar gjatë protestës së djeshme të opozitës kundër betonizimit të liqenit.

Deputeti demokrat tha në një prononcim për mediat se policia po dhunon të ndaluarit e protestës, që sipas tij nuk e kanë shkelur ligjin. Ai u shpreh se sot në qeli duhet të ishin Edi Rama, Erion Veliaj dhe Saimir Tahiri për dhunë e ushtruar ndaj protestuesve.

?Qytetarët po mbahen në polici kundër ligjit. Kjo është polici e krimit për nga drejtësia. Jemi këtu për të kërkuar drejtësi për ata njerëz që ndodhen brenda padrejtësisht. Brenda duhet të ishin, Edi Rama, Erion Veliaj e Saimir Tahiri për dhunën e ushtruar dje. Në qelitë e policisë ka edhe minorenë që mbahen aty dhunshëm në kundërshtim me të gjitha të drejtat e njeriut. Një i sëmurë që u dërguar urgjentisht në spital dje, u rrëmbye nga policia dhe u soll në qelitë e drejtorisë së policisë. Kemi të bëjmë me një shtet shtazor, kundër qytetarëve të vetë. Ata që janë brenda, qytetarët janë në drejtë të ligjit, ata që i kanë futur brenda kanë shkelur ligjin?, tha demokrati Paloka.

 





Lajmet e fundit nga