E fundit!

12:03 Denoncim

Kompania që ka shkatërruar jugun

Kompania "Gjikuria" është kapur në disa shkelje të rënda. ...

Zbulohen dosjet e shqiptarëve në ISIS

22 Mars 2016, 20:23, Aktualitet CNA

ABC News ka arritur të sigurojë dy formularët e shtetasve shqiptar, të cilët janë përpiluar nga Administrata e Përgjithshme e Kufirit të Shtetit Islamik.

Nga verifikimi paraprak i rreth 1700 formularëve të tilla, janë zbuluar emrat e 25 shtetasve shqiptare dhe 23 të tjerë nga Kosova.

Në dy dosjet që ABC News ka siguruar, shtetasit shqiptar i përgjigjen 23 pyetjeve, të cilat janë shkruar në gjuhën arabe.

Për shkak të sigurisë së pjesëtarëve të tjerë të familjes, emrat e vërtetë të ushtarve të ISIS-it dhe numrat e telefonit që kanë në përdorim, janë fshirë nga burimi i këtij informacioni.

Në formularin e parë, luftëtari shqiptar ka nofkën Ebu Derda dhe ka lindur më 20 qershor 1991.

Është nga Shqipëria, beqar dhe ka arsim të lartë.

Në pyetjen për nivelin e besimit, ai përgjigjet se është fillestar, duke dhënë edhe punën që ka bërë, para se t?i bashkohet ushtarëve të ISIS-it.

Ai përgjigjet se ka punuar në një servis celularësh.

Ndërkaq, pyetjes së çfarë luftëtari do të jetë në ushtrine e Shtetit Islamik, ku si alternative ka edhe kamikazin, ai zgjedh të jetë luftëtar tereni.

Ndërsa një nga përgjigjet më të rëndësishme në këtë formular, është identifikimi i personit që ka garantuar për atë se është një ushtar besnik, Ebu Derda ka dhënë emrin një shtetasi nga Kosova, i njohur si Ebu Abdullah.

Formulari mbyllet me datën e hyrjes në territorin e shtetit islamik, që është data 9 prill 2013.

Luftetari dytë shqiptarë që ABC News ka siguruar dosjen, është me pseudonimin Ebu Xhendel El Muhaxhir, që ka lindur me 14 qershor 1979 në Tiranë.

Edhe në rastin e këtij luftëtari, emri i vërtetë dhe numri i telefonit është fshirë.

Ai ka deklaruar se ka arsim të mesëm, ndërsa sa i përket nivelit të besimit, El Muhaxhiri ka deklaruar se ka një nivel mesatar.

Edhe 37 vjeçari ka zgjedhur të jetë luftëtar tereni dhe jo kamikaz në ushtrine e Shtetit Islamik.

Ndryshe nga luftëtari tjetër shqipëtar që nuk kishte lëvizur ne vende tjera përveç Shqipërin, Ebu Xhendel El Muhaxhir ka deklaruar se ka udhëtuar para se të shkonte në Siri, në Itali, Francë, Belgjikë dhe Spanjë.

Ai ka deklaruar se para se t?i bashkohet ISIS-it, ishte një tregtar pikturash.

Ndërsa si person garant për emrin e tij, 37 vjeçari ka dhënë emrin e Ebu Usame Bin Zejd.

Formulari mbyllet me kohën e hyrjes në territorin e shtetit islamik që është data 21 prill 2014.

Keto formular, janë siguruar nga një dezertor i ushtrisë ISIS-it, i cili ka arritur të shkëputet nga grupi terrorist duke siguruar rreth 22 mijë formular të ushtarëve të ISIS-it nga 51 kombësi të ndryshme, mes tyre edhe shqiptarë.