E fundit!

12:44 Politikë

Skana gozhdon Gjonin: Deputeti part time që i qan zemra për Mirditën, po deformon realitetin

Zëvendësministrja e Mbrojtjes, Pranvera Skana, i është për...

Policët e rremë në Kamëz/ Si mashtronin për kontrolle në lidhje me një vrasje

22 Mars 2016, 17:47, Aktualitet CNA

Gjykata e Tiranës ka caktuar masën e sigurisë ?arrest me burg? për dy persona të arrestuar si policë të rremë. Në pranga përfunduan dy ditë më parë shtetasit Halil dhe Shaban Topalli nga Kruja, të cilët të veshur me rroba policie grabitën disa qytetarë. Prokuroria e Tiranës kërkoi masën e sigurisë ?arrest me burg?, kërkesë e cila u pranua nga gjykata. Denoncimi u bë më datë 19 mars nga një qytetar, i cili po udhëtonte nga Durrësi. Në rrethrrotullimin e Kamzës, atij i ka dalë një person përpara, duke i kërkuar të ndalonte.

Prokuroria sqaron se pas ndalimit të mjetit janë afruar dy persona, njëri nga krahu i shoferit dhe tjetri nga krahu i pasagjerit. Këta shtetas janë prezantuar si punonjës të policisë së shtetit, por nuk kanë patur uniformë policie, tabela apo shenja të tjera identifikuese të policisë. Më pas, ata kanë kërkuar dokumentacionin e mjetit, por duke qenë se kallëzuesi ka dyshuar në faktin që mund të ishin punonjës policie, nuk i është bindur kësaj kërkese.

?Pastaj ka insistuar në kërkesën e tij për dokumentacion dhe në këtë moment është afruar një automjet veturë ngjyrë blu në të zezë, ku nga brenda saj ka zbritur një person. Këta shtetas i janë drejtuar atij me fjalët ?Komandant bëre mirë që erdhe se personat po kundërshtojnë për të dhënë dokumentet?. Ky person, pasi është shtirur sikur ka kryer një bisedë telefonike për verifikimin e targës, e ka lejuar automjetin e kallëzuesit të largohej. Kallëzuesi shprehet se me vete kishin rreth 200 000 lekë, duke qenë se po shkonin në tregun e bagëtive, por nuk i kanë dhënë personave?, sqaron Prokuroria.

Në të njëjtën datë, rreth orës 04:50, ka ndodhur e njëjta situatë me shtetasin H.S, i cili ka qenë duke udhëtuar nga banesa e tij në Paskuqan në drejtim të tregut të Tapizës, me kamionin në ngjyrë të bardhë, së bashku me xhaxhanë e tij. Në të njëjtin vend dhe të njëjtën metodë, kanë përdorur personat e arrestuar.

?Jemi policia e shtetit dhe do bëjmë kontroll se ka ndodhur një vrasje në Tiranë?, kanë thënë ata dhe më pasi i kanë kërkuar ndonjë lek drejtuesit në emër të ?shefit?, që sipas tyre ishte më përpara. As në rastin e dytë, Prokuroria thotë se nuk kanë mundur të marrin paratë, edhe pse drejtuesi i kamionit kishte rreth 500 mijë lekë të vjetra me vete.

Gjithashtu, kallëzuesit kanë theksuar se këta shtetas nuk kanë patur me vete armë dhe nuk kanë ushtruar dhunë fizike ndaj tyre. Nga verifikimet e kryera nga shërbimet policore, rezulton se automjeti i markës Ford Focus me targa AA xxx LI, në ngjyrë blu të errët, përdorur nga personat për të kryer vjedhje, është në pronësi të shtetasit F.M. Ky mjet u gjet i parkuar në orën 05.30 të të njëjtës datë, në një Kazino në hyrje të rrugës Skënderbeu në Kamëz. Përdoruesi i tij shtetasi Halil Topalli u gjet brenda në kazino duke luajtur.

Gjatë marrjes në pyetje, Halil Topalli pranon faktin se në orën e ngjarjes ka qenë në automjet me kushëririn e tij Shaban Topalli dhe kanë debatuar me një person gjatë rrugës për shkak parakalimi të mjetit të tij. Ai mohon që të kenë ndaluar mjete të tjera me qëllim për t?u kërkuar para dhe prezantuar si punonjës policie.

?Në deklarimin e tij shtetasi Shaban Topalli deklaron se gjatë kësaj kohe po ktheheshin nga Tirana dhe ai ishte në gjendje të dehur, nuk mban mend asgjë por i kujtohet se Halili ka bërë debat me një automjet në ngjyrë të bardhë?, sqaron Prokuroria.

Nga aktet dyshohet se shtetasit Halil Topalli dhe Shaban Topalli kanë kryer veprën penale ?Përvetësimi i titullit apo detyrës shtetërore?./Ora