web counter
LEXO PA REKLAMA!

SHKARKO APP

App Store
Google Play

E fundit!

x

Raprezalja e Sokol Ballës/ 2 muaj Drejtor Informacioni në Top Channel, 3 gazetarë largohen nga puna

22 Mars 2016, 21:43, Aktualitet CNA

Situata në dhomën e informacionin në Top Channel është tejet e nderë në 2 muajt e fundit. Me rikthimin e Sokol Ballës në postin e Drejtorit të Informacionit, gazetarët janë përballur me një Sokol tjetër nga ai që ishte më 5 vjet më parë në të njëjtin post.

?Arrogant dhe prepotent në komunikim me gazetarët por jo vetëm?- thonë vetë ata. Të njëjtin fat kanë patur edhe redaktorët përgjegjës dhe kryeredaktorët, përveç njërit të cilin Balla e ka asistent në emisionin Top Story.

Kështu që prej 2 muajsh nga Top Channel është larguar gazetarja e çështjeve sociale Klodiana Kapo e cila punonte në redaksionë e informacionit në TCH që prej hapjes së televionit. 1 javë më parë, edhe gazetarja e politikës Rovena Moçka zgjodhi të pranonte një ofertë për të punuar si zëdhënëse në Ministrinë e Mirëqenies Sociale, sesa të vijonte bashkëpunimin me Sokol Ballën dhe oraret e stërzgjatura në punë që ai u imponon gazetarëve. Ndërsa sot është konfirmuar se edhe një nga ikonat e raportimit nga Brukseli për Top Channel, Arta Tozaj nuk është më pjesë e këtij televizioni.

Arsyeja?

?Po, prej një jave nuk punoj më për Top Channel. Arsyet janë parimore (si rëndomtë në të tilla raste). Une jam vetëdeklaruar në Bruksel dhe kam një NIPT mbi të cilin faturoja TCH për artikujt, që blinte. Rezulton se, uniletarisht dhe pa informuar për plot dy muaj , TCH ka ndryshuar tarifat, sipas oreksit të Drejtorit te Informacionit Sokol Balla?- ka sqaruar vetë gazetarja Tozaj për një portal informacioni.

Shumë njerëz janë suprizuar kur kanë parë sot Arta Tozaj që raportonte për sulmet terroriste në Bruksel, sa në Ora News sa tek News 24, ndërsa deri dje raportimet e saj ishin vetëm për Top Channel dhe Top News.

Nuk është e qartë se ku qëndron gjithë mllefi që Balla ka akumuluar ndaj gazetarëve të Top Channel ndërsa asnjëri prej tyre edhe pse Balla nuk ishte më drejtori i tyre, nuk i refuzonin kurrë shërbimet ekstra të raportimit për ?Kolin? dhe Top Story-n e tij!?/Syri.net





Lajmet e fundit nga