Nesër Kongres dhe udhëtimi drejt Berlinit/ Nga Eduart Ndocaj

20 Mars 2016, 07:00, Aktualitet CNA

Të nderuar socialistë, qytetarë, shqiptarë, Sigurisht keni pritur një reagimin timin në lidhje me Kongresin. Kongresi i sotëm nuk kishe asnjë lloj surprize në kuptimin politik apo edhe në atë të lidershipit. Shumica e ka konsideruar Kongresi i Konfirmimit! Shpresoj dhe uroj në të mirë të socialistëve, të Majtës e të shqiptarëve që vendimet dhe qëndrimet e shumicës të jenë në kahun pozitivë. Qëndrimet e mia tashmë i keni të qarta. Gara ime për Kreun e PS nuk ishte një ambicie personale dhe kjo u vërtetua edhe me qëndrimet e mia të fundit, apo edhe me heshtjen time të ditës së sotme.

Heshtja ime ka dëshmuar jo pajtueshmëri me shumicën drejtuese të PS, por në respekt të konceptit të shumicës, që përbën themelet e një demokracie të brendshme brenda një Partie apo edhe në mekanizmat e përgjithshme të Demokracisë në një shoqëri që kërkon të orientohet drejt liberalizmi të natyrshëm dhe jo të obliguar. Me kandidimin tim, siç kam thënë që në fillim kërkoja të jepja shembullin tim për të bërë të kuptojmë se frika duhet të fitojnë në shërbim të Demokracisë dhe Demokracia në vetë është një garanci për harmoni njerëzore dhe politike brenda PS dhe jo vetëm. Për asnjë moment nuk kam shfaqur tendenca personale për tu larguar nga PS, për të krijuar një fraksion të ri apo për të krijuar një subjekt të ri politikë.

PS është dhe vazhdon të jetë një ndër laboratorët më të rëndësishëm politikë në vend. Sot, nuk mbajta fjalim apo qëndrim, sepse ishte vendosur rrjedhja e qëndrimeve dhe për këtë arsye, nuk e pashë të arsyeshme të bëja një reagim të tillë. Këtë përsëri duke respektuar shumicën dhe duke shpresuar se ajo do të mbaj në supe qoftë sukseset apo edhe ndonjë zhgënjim. PS, ka nevojë për shumë reflektim, për entuziazëm dhe po ashtu më shumë liri në rregulla loje dhe në opinione politike. Në PS cdo anëtarë apo drejtues është i rëndësishëm dhe duhet të jetë i respektueshëm, por edhe duhet të ketë edhe detyra e detyrime. Kryetari Rama tashmë është konfirmuar si Kryetar edhe për një mandat tjetër dhe ai tashmë ka mbi supe qoftë suksese apo edhe dështimin në zgjedhjet e ardhshme.

Ai, duhet të merret seriozisht me kërkesat e socialistëve si dhe duhet të merret seriozisht me çështjet e brendshme të Partisë duke qëndruar mbi palët. Kryetari Rama e garantojë konfirmimin e tij me motivacionin e fitores së zgjedhje, por ai do të justifikoi qëndrimin e tij në krye të PS nëse e con PS edhe në fitoret e tjera po aq të rëndësishme sa këto që janë bërë nga 2013 deri më sot. Po ashtu, dua të njoftoj miqtë, dashamirësit, simpatizantët e mi, që nesër edhe pse është dita e dytë e Punimeve të Kongresit, unë do të udhëtoj drejt Berlinit për të bërë takime të rëndësishme me përfaqësues të rëndësishëm të politikëbërjes së SHBA, me përfaqësues të rëndësishëm të CDU gjermane dhe jo vetëm. Siç kam dëshmuar deri tani do të vazhdojë të mbroj interesat e qytetarëve dhe të jem në shërbimin e tyre. Vizita ime e nesërme në Berlin do i paraprijë vizitën time në muajin Prill në Washington DC, Dallas, Texas e New York. Jam i hapur për sugjerimet tuaj në lidhje me këto vizita pasi do të takoj faktorë të rëndësishëm të politikës botërore.