web counter
LEXO PA REKLAMA!

SHKARKO APP

App Store
Google Play

Partia e shokëve dhe shoqeve

19 Mars 2016, 20:42, Aktualitet CNA

Partia Socialiste ka zhvilluar sot Kongresin e saj ku deputetë e ministra kanë mbajtur fjalën e tyre përballë delegatëve socialist.

Përveç kërkesës së përsëritur të disa deputetëve për të zhvilluar zgjedhje për kryetarin e Partisë Socialiste, e cila u hodh poshtë pasi u miratua se çështja e kryetarit u çua për referendum, ajo që ra në sy ishte një përdorim i rregullt i termave ?shokë? dhe ?shoqe?.

Përdorimi i ?shokë? dhe ?shoqë? nuk ishte rastësi. Duhet thënë se këto terma janë përdorur sistematikisht nga drejtuesit e Kongresit, Taulant Balla, Blendi Klosi dhe Gramoz Ruçi, të cilët për cdo herë që i janë drejtuar deputetëve, delegatëve apo edhe anëtarëve të thjeshtë i kanë shtuar termin ?shokë? apo ?shoqe?.

Në fakt, këto terma janë përdorur në masë në kohën e diktaturës, kur ?shokë? dhe ?shoqe? ishin një kod etik i detyruar për të gjithë.

Në fjalën e tij në Kongres, kryeministri Edi Rama, përdori një frazë e cila artikulohej shpesh në Kongresin e PPSH nga diktatori Enver Hoxha. Ai tha se ?Partia do të dalë më e fortë nga ky Kongres?.

Të njëjëtën gjë përsëriste ?shoku? diktator sa herë Partia e Punës zhvillonte kongresin.

Në Kongresin e sotëm, Partia Socialiste miratoi ndryshimet në statut. Kryetari Rama ka insistuar fort që statuti i partisë të jetë ai i modelit laburist në Britani, por nuk kashpjeguar nëse termat ?shokë? dhe ?shoqe? përdoren në partinë Laburiste apo nëndonjë parti tjetër në Europë.

Forca kryesore në vend pretendon se përfaqëson të majtën demokratike Europiane, por për të qenë e tillë duhet që në fillim ata ?shokë? dhe ?shoqe? të quhen zonja dhe zotërinj./citynews





Lajmet e fundit nga