web counter
LEXO PA REKLAMA!

SHKARKO APP

App Store
Google Play

E fundit!

x

Kongresi i PS/ Blushi: Rama kërkon të marrë peng partinë

19 Mars 2016, 19:24, Aktualitet CNA

Deputeti socialist, Ben Blushi, iu përgjigj deklaratave të kryetarit socialist, Edi Rama, i cili tha se mandati i tij të vendoset me referendum. Në përgjigjen e tij, Blushi tha se referendumi nuk bëhet për të zgjedhur njerëz. Ai u shpreh se zgjedhjet bëhen për të zgjedhur njerëz.

?Së pari besoj që parafolësi ka konflikt interesi me këtë temë, por është mendimi i tij.

Dua të them dicka për propozimin nëse shkojmë në referendum apo bëjmë zgjedhje. E para, referendumi nuk bëhet për njerëz. Zgjedhjet bëhet për njerëz.

Ne sa e votuam këtë statut. Por është e pamundur që efektet e këtij statuti të fillojnë sot, të fillojnë dje, apo më parë.

Po ndërtojmë një normë që anullon zgjedhjet që do bëheshin në 2013.

Askush nuk e pengoi të mblidhte në atë kohë Asamblenë, për të bërë kryesi, për të bërë Kongres.

Është e pavërtetë që partitë në Europë nuk bëjnë zgjedhje. Është cënim për ju. Kush i fiton zgjedhjet, kryetari apo partia ? Nëse i fiton partia  ajo vendos se kush e drejton.

Merkel është kancelare e Gjermanisë. Votohet cdo dy vjet. Ka 16 vjet në parti. Nqs partia e saj e rrëzon në votim ajo nuk është më kancelare, nuk është më kryetare.

Referendumi në bazë anëtarësie dhe anëtarët votojnë megjithëse nuk pyetja nuk është thënë. Cfarë ndryshimi ka nëse anëtarët mblidhen dhe votojnë një njeri apo dy apo më shumë?

Ndryshimet në statut po bëhen për ti ikur garës. Rama tha që këtu ka një stër shumicë. Por si provohet kjo. Me zgjedhje. Unë jam për të dyja. Edhe për zgjedhjet për kryetar edhe për referendum për statutin.?, tha Blushi

Ben Blushi foli edhe për votimin e ndryshimeve në statut. Ai tha se statuti u votua në parim, por jo nen për nen. Sipas tij, kjo gjë i heq një të drejtë delegatëve të kongresit.

?Kjo që ndodhi sot me statutin nuk ka ndodhur më parë. Statuti u votua në parim por jo nen për nen. Ne na u hoq e drejta për të votuar statutin.

Nuk është demokraci kjo mënyrë. Ky është privatizim. Një njeri i vetëm kërkon të marrë peng partinë.

Dua tju them që të mos e kaloni këtë propozim për referendum.?, tha Blushi





Lajmet e fundit nga