web counter
LEXO PA REKLAMA!

SHKARKO APP

App Store
Google Play

E fundit!

x

Kavajë/ Sherr dhe plumba në palestër, arrestohen 3 persona

20 Mars 2016, 08:58, Aktualitet CNA

Komisariati i Policisë Kavajë në bashkëpunim me Prokurorinë Pranë Gjykatës së Shkallës se Parë Kavajë ka bërë të mundur ndalimin e tre të rinjve të cilët ishin shpallur në kërkim për veprat penale ?Vrasje me dashje’ të kryer në bashkëpunim e mbetur në tentative” “Prodhim dhe mbajtje pa leje e armëve luftarake dhe municionit?.

Të arrestuarit janë  David Xhihani 30 vjeç dhe Arben Xhihani  29 vjeç, të dy kushërinj si dhe shtetasi tjetër, Lorenc Merkoqi , 24 vjeç.

Policia bën me dije se kapja dhe ndalimi i tyre është bërë pasi me datë 18.03.2016,  tek rruga e Qelqit Kavajë në ambientet e një  palestre,  pas një zënke për motive të dobëta shtetasit David  Xhihani dhe  Arben Xhihani (kushërinj të parë ), janë konfliktuar fizikisht me  shtetasin S. F.  Në konflikt e sipër, shtetasi Arben Xhihani ka qëlluar me armë zjarri pistoletë, shtetasin S. F .

Nga të shtënat e armës së zjarrit shtetasi S. F. ka  pësuar lëndime të gjymtyrëve të poshtme (në këmbë) dhe është  jashtë rrezikut për jetën.  Shtetasit e dyshuar si autorë , u identifikuan nga policia që në momentin e parë të ndodhjes së  ngjarjes dhe u shpallën në kërkim ku u kapen dhe u ndaluan sot.  Me cilësinë e provës materiale u sekuestrua arma e krimit  pistoletë tip Z-Stava dhe tre fishekë.





Lajmet e fundit nga