web counter
LEXO PA REKLAMA!

SHKARKO APP

App Store
Google Play

E fundit!

x

Rama sulmon Blushin: Nuk sollëm kriminelë, por gra në parlament

9 Mars 2016, 12:48, Aktualitet CNA

Paraditen e sotme është mbledhur Asambleja e Partisë Socialiste, në prag të Kongresit që do të mbahet më vonë gjatë marsit.

Gjatë fjalës së tij, kryetari i PS i është përgjigjur edhe Ben Blushit, për akuzat e tij se ka kriminalizuar partinë. Rama është shprehur, se të gjitha këto janë mllefe të atyre që i ka quajtur ?përgojues? në radhët e PS. Duke mos iu drejtuar direkt deputetit të tij, ai ka theksuar se, ?askush nuk mund të më tregojë mua parimet demokratike?.

?Na akuzojnë se sollëm kriminelë në Parlament, por ne sollëm më shumë gra në Parlament. Këto akuza janë shpifje të pafundme ndaj çdo pune, çdo reforme dhe çdo vendimmarrjeje. Keqardhje për ata që mllefin e kanë më të madh se turpin dhe gjuhën më të gjatë se shikimin?, ka thënë Rama.

Ai është shprehur i vetëdijshëm se, ?s’ka shans të mos na baltosin po shkuam drejt një dere që hap një rrugë të re?. ?Por të mos merremi më me ta dhe le ta bëjmë karvanin të ecë më shpejt përpara. Askush nuk ka tagrin të më bëjë mua moralin e vlerave demokratike?, ka thënë Rama duke iu referuar akuzave të Blushit.

?Në këtë mjedisin tonë dëgjohesh dhe gjykohesh me durim si në asnjë organizatë tjetër. Në këtë mjedisin tonë ka edhe gjykatë, ka edhe mosmarrëveshje, por pastaj na vjen keq që ndodhin. Na vijnë vërshëllima nga stoli i rezervave, që natyrisht është diçka e pasjellshme. Më mirë të mos kishte ndodhur, por asnjë nga këto nuk e bën më të vogël vlerën e punës së madhe të qeverisë sonë?, ka shtuar Rama./TCH





Lajmet e fundit nga