Dhuna në familje/ Majlinda Bregu: Nisma ligjore për ndryshimet në Kodin e Familjes

9 Mars 2016, 11:35, Aktualitet CNA

Deputetja e Partisë Demokratike, Majlinda Bregu, zbuloi nismën për ndryshime në Kodin e Familjes. Ajo nënvizoi se këto ndryshime janë bërë të domosdoshme për t?u ardhur në ndihmë grave të dhunuara dhe fëmijëve të prindërve të divorcuar. Në një intervistë për ?Ora news? deputetja dha se propozimet që do të shkojnë shumë shpejt në Kuvend, janë praktika që aplikohen në vendet e zhvilluara.

?Janë disa ndryshime që kanë të bëjnë me Kodin e Familjes, për shembull një propozim që mund t?ju duket interesant është ai që ka të bëjë me dëmshpërblimin apo mundësinë për t?iu ofruar grave të cilat janë viktima të dhunës apo të cilat vuajnë historinë e një divorci të dhunshëm dhe jo të barabartë sikurse ligji e parashikon në ndarjen e pasurisë.

Mundësinë për një ndryshim në ligjin për konfiskimin e pasurisë kur bëhet fjalë për vepra penale që kanë të bëjnë me pasurinë e lidhur me mafian apo me krimin e organizuar.

Përpara se pronat e konfiskuara të kalojnë tërësisht në pronësi të shtetit një pjesë e tyre të ndahen si burim të ardhurash edhe për gratë dhe për ish bashkëshortet të cilat e kanë të pamundur të përfitojnë nga një ndarje e regjimit pasuror në një mënyrë të barabartë

Apo masa të tjera që kanë të bëjnë me ndryshimin e rendit të marrëdhënieve ndërmjet bashkëshortëve apo marrëdhënie të reja të cilat kodi i familjes i ka parashikuar por që kanë nevojë për përmirësim.

Sigurisht edhe çështje të cilat kanë të bëjnë me detyrimin ushqimor që prindërit kanë në rastet e divorcit për fëmijët, kur një prind e ka të pamundur, për sa kohë gjykata duhet të nxitojë për të dhënë vendimin.

Por nga ana tjetër edhe për t?i krijuar lehtësira grave të cilat kërkojnë të shkëputen nga një lidhje abuzive, jo vetëm në rastin kur ka dhunë të ushtruar në familje por dhe në rastin kur njëri nga bashkëshortët, kur rëndom burri nuk respekton detyrimet familjare, për ta thënë më thjesht rastet kur shpenzimet apo të adhurat e familjes harxhohen nëpër bixhoz apo në pika bastesh, duke lënë pa të ardhura familjen.

Këtë lloj kërkese për ndarje për t?i dhënë mundësin grave, sigurisht që mos t?i referohem vetem në rastet e dhunës, mendoj që kjo duhet trajtuar si një e drejtë e kodit të familjes?, tha Bregu