Nga Mero Baze/ Ku ka të drejtë Blushi!

8 Mars 2016, 20:05, Aktualitet CNA

E dyta është i qartë në objektivin e tij, për të fajësuar Ramën, si përfshirës i elementëve probelmatik në jetën politike të Partisë Socialiste. Disa prej tyre kanë vite që bashkëjetojnë me PS dhe Blushin, por kjo nuk e pengon atë ta ngrej tani si problem.

Dhe e treta, Blushi është i qartë që beteja e tij nuk do të plasarit PS, por do ta ndihmoj atë të ik me dinjitet prej saj, mero-baze pasi ka arritur të gjej një kauzë, së paku për tu ndarë.

Të treja objektivat e Blushit janë politikisht korrekte dhe ai ka të drejtën e tij të bëj betejë për to. Dy betejat e para i bëjnë mirë edhe Partisë Socialiste dhe kulturës së saj statutore, e cila nuk merre shumë seriozisht, si në cdo parti.

Kauza e tretë, i bën mirë vetes tij, nëse është i qart se cfarë është duke bërë.

Këtu fillon dhe mbaron debati për të.

Pjesa tjetër e debatit, sidomos kjo kuja kombëtare që është vënë për atë që ka ndodhur në Elbasan më duket pak
hipokrite për atë që e njohin politikën shqiptare dhe akoma më hipokrite për ata që mendojnë se ajo rrit apo ul vlerat rivalëve në PS. Biles ajo skenë e bashkuar me lojën e nervave, që Blushi ka luajtur dhe në mbledhjen e Asamblesë në Tiranë një ditë më parë, janë më shumë veprime linçuese të Blushit mbi PS, se sa e kundërta. Pak a shumë këto më kujtojnë sjelljet e Genc Pollos në vitin 1999, kur kandidoi përball Berishës dhe donte deomos sherr. Duke qenë se Berisha e kontrollonte partinë me displinë ushtarake, urdhëroi çdo njeri të mos e ngacmonte dhe të mos i thoshte asnjë fjalë. Dhe i tërbuar nga kjo gjë, Pollo shkonte nëpër konferenca e thoshte: ?Ju do më thoni mua që jam agjent grek??Nuk i thoshte njeri! . ?Ju do më thoni mua që kam pas gjyshin komandant të andatëve grek në Përmet më 1914? (Në fakt e ka pasur). Por askush nuk i thoshte asgjë. I nervozuar nga gjithë kjo histori heshtje apo përqeshje rreth tij, ai sajoi një rrëmuj një ditë para Kongresit dhe u tërhoq. Kjo është sjellje jo politike. Qëllimi i saj është të thuhet që në partitë tona të mëdha nuk ka demokraci dhe liri fjale, pasi të sulmojnë apo shajnë, po je kundër kryetarit. Kjo është një situatë banale që duhet të marr fund.

E vërteta është se kryetarët tanë janë shumë të fort, por përpjekja për të bërë politik me mistrecllëqe, është më banale se fuqia fyese e tyre.

Për këtë arsye unë mendoj se Blushi është në ditët e tij më të mira politike, pasi Rama i ka dhënë një shans, edhe për shkak të bezdisë që ka nga partia, që ai të ketë një kauzë që nuk është e tij, por e shumë socialistëve, dhe të dal i nderuar nga kjo betejë. Ai ka për shembull shansin të përqafofet me Tomën, Kaubojsin apo Prengën dhe të akuzoj Ramën që i ka sjell në parlament, ashtu sic ka shansin të mos ketë përgjegjësi, pse se ka ngrit zërin që më 2013 për zgjedhjet në PS dhe të ketë të drejtën e tij ta kërkoj tani.

Nga ana tjetër Rama duhet të tregohet më i qetë dhe më pak i përfshirë në betejën me mistrecllëqet e Blushit dhe të reflektoj vetëm për tezat politike të tij, të cilat vlejnë.

Se në fund të fundit, Rama nuk mund të ketë dy kritere për të ruajtur qetësinë. Ta humbas me Blushin, pse i kërkon të respektoj statutin në mënyrë formale dhe të mos e humbas me Koçon që shkel çdo ditë, çdo resht të statutit të vjetër e të ri të PS, duke krijuar delegatë fallco, struktra partie fallco siç janë OST, dhe kandidat të paligjshëm për në strukturat e PS siç ëshët vet emri i tij në listat e zgjedhjeve në Vlorë.

Unë nuk e kam dash kurrë Ben Blushin edhe për raportet e këqija personale me të, dhe ndihem keq të shkruaj për të tani, që ai është në një betejë me dikë tjetër, por e them me siguri se ai kurrë nuk do të gjente një moment më të artë se ky, që të dukej sikur është njeri me kauza dhe parime. Kaq duhet t?ia di për nder Edi Ramës se dok ishte ikur pa asnjë gjurmë nga PS.