Basha flet me heshtjen e tij/Frikë apo paaftësi?

9 Mars 2016, 10:49, Aktualitet CNA

Kryetari i Partisë Demokratike Lulzim Basha, ka gjetur një mënyrë të vjetër për të reaguar ndaj çështjeve dhe problematikave të përditshme të opozitës.

Basha i cili flet dhe artikulon akuza çdo ditë ndaj kundërshtarit, për gjithcka ndodh në shtëpinë e tij vetëm hesht. Nuk hesht vetëm në publik por kërkon që me heshtje të kalojë situatën, problemin apo fenomenin e rradhës që i ndodh në shtëpinë e tij politike.

Asnjë reagim i Lulzim Bashës për Enno Bozdon i cili është kapur në flagrancë duke manipuluar zgjedhjet në degën e PD-së në Korcë. Askush nuk mund ta mohohë se ky ndoshta është një proces rutinë në PD, por për herë të parë në historinë e saj sekretari organizativ kapet në flagrancë duke vjedhur vota.

Asnjë reagim nga Lulzim Basha edhe për skandalin më të fundit, kërcënimin e gazetarit Nebil Çika nga sekretari i përgjithshëm Arbën Ristani. Ndoshta Luli nuk i di që gazetari ka qenë zv/kryeredaktor i RD, dhe është një nga penat e forta të saj në opozitë, për këtë nuk ka faj, pasi PD-në e njohu në prag pushteti.

Asnjë reagim i Lulzim Bashës për skandalin e zhdukjes së fondit të teserave në PD, fond për të cilin u akuzua specialist i zyrës së organizmit Florian Xhuti.

Asnjë reagim i Lulzim Bashës për faktin se për gati një vit e gjysëm nuk ka mbledhur Këshillin Kombëtar të Partisë Demokratike, institucionin më të lartë politik pas kuvendit kombëtar.

Asnjë reagim i Lulzim Bashës për komandim dhe emërim të disa sekretarëve dhe krerëve të departamenteve. Të gjithë duhet ti zgjedhë Këshilli Kombëtar, në fakt të gjithë i ka vendosur Basha, si koskoshi në majë të plehut.

Asnjë reagim i Lulzim Bashës për humbjen e zgjedhjeve lokale në mënyrë katastrofike. Të gjithë humbësit, edhe aty ku rezultati është më i ulët se në vitin 2013, vazhdojnë të presin një palë zgjedhje të tjera. Ti humbin dhe ato pastaj të shohim a do I vijë mendja Bashës. Thjesht disa palo analiza në degë dhe gjithcka u mbyll në heshtje.

Lulzim Basha po flet me heshtjen e tij, dhe kjo të kujton Bamir Topin. Tani do kemi dy ?heronj të heshtur?, por një në opozitë dhe një me qeverinë.

Për të gjitha këto probleme dhe shumë të tjera Basha ka heshtur, duke menduar se kalojnë me kohën. Kjo heshtje në fakt është një fakt që punon kundër tij në politikë, sepse tregon që nuk di, ose ka frikë të përballet me problemet e vërteta dhe reale të opozitës. Probleme të cilat i japin autoritetin dhe vlerën një kryetari të vërtetë, që di të drejtojë një forcë politike. T?i lesh problemet të zgjidhen me kohën, apo të ?zgjidhen? vetë, tregon paaftësi të theksuara në vendimarrje dhe drejtim.

Ajo që jep tek baza e PD dhe opinion është fakti se ti nuk përballesh me problemet por ndërton thjesht një fasadë mediatike e cila ka shumë pak vlerë, sepse është e përkohshme dhe të griset shumë shpejt./ Elvi FUNDO-citynews