E fundit!

13:08 Aktualitet

Vrasja e efektivit/ Xhaxhai i Enea Mekollit ngre akuza: Ishin pa asnjë lloj mbrojtjeje

Xhaxhai i efektivit të vrarë, Enea Mekolli, Hazbi Mekolli,...

Intervista e Spahiut për Çim Pekën/ Po survejojmë prej 2 muajsh Ramën. Do e godasim në publik

8 Mars 2016, 21:57, Aktualitet CNA

Kreu i Aleancës Kuq e Zi, Kreshnik Spahiu gjatë një intervistë të dhënë për gazetarin Çim Peka në emisionin ?FAKT? në SYRI.net, tregon për iniciativat që ka ndërmarrë kundër qeverisë së Edi Ramës dhe Erion Veliajt. Spahiu thotë se, shumë shpejt do të bëjë një aksion kundër Ramës.

Gjatë intervistës ai tregon edhe për momentet kur e arrestuan dhe e dërguan në polici.
INTERVISTA E PLOTË E KRESHNIK SPAHIUT DHËNË PËR ÇIM PEKËN

Çim Peka: Zoti Spahiu përshëndetje. Zoti Spahiu kenë qenë një protestues radikal, në fakt që nga koha që vendosët të krijonit formacion politik, që nga koha kur kryeministër ishte Sali Berisha. Të jem i sinqertë nuk më ka shkuar ndonjëherë në mendje që ndonjëherë do shoqëroheshit apo do arrestoheshit në polici. Çfarë ka ndodhur realisht ditën e shoqërimit tuaj dhe cili ka qenë motivi?

Spahiu: Tani për hir të vërtetës kam qenë protestues radikal, nuk e kam filluar kundër Berishës, por e kam filluar kundër Ramiz Alisë në 8 dhjetor, ku bashkë me Sali Berishën kemi qenë protestues.

Çim Peka: Dhe nuk jeni arrestuar?

Spahiu: Domethënë kemi rrëzuar sistemin komunist më 8 dhjetor, më 12 dhjetor, 4 ditë rresht kemi protestuar në sheshin Demokracia. Kemi qenë në grevë urie kur kemi rrëzuar bustin e Enver Hoxhës, por nuk jam arrestuar.

Çim Peka: A është ky arrestimi i parë në jetën tuaj?

Spahiu: Absolutisht ky është arrestimi i parë ne jetën time.

Çim Peka: Kur them në jetën tuaj nuk kam parasysh vetëm si politikan. Pra Kreshnik Spahiu nuk është arrestuar asnjëherë në jetën e tij?

Spahiu: Asnjëherë nuk jam shoqëruar në polici dhe kam ndjerë një lloj neverie.

Çim Peka: Keni qenë një protestues mjaft radikal dhe ndaj Fatos Nanos në 2004?

Spahiu: Po kam qenë mjaft radikal. Madje historia me vezë e kemi nxjerrë për herë të parë kur kemi goditur Fatos Nanon për çështjen e importit të plehrave me Italinë. Kemi qenë në një protestë masive para kryeministrisë. Dhe madje një kamion me vezë e kemi bombarduar derën e kryeministrisë në atë periudhë dhe kemi qenë shumë agresivë kur kemi ndërtuar dhe një piramidë atëherë, kemi bërë protesta shumë të forta shumë radikale ndaj disa qeverive, Metës, Majkos, Berishës.

Çim Peka: Keni bllokuar disa herë rrugët në kohën e Sali Berishës?

Spahiu: Në kohë të Sali Berishës jo vetëm kemi bllokuar rrugët, por unë kam tentuar të hyj edhe në oborrin e kryeministrisë më 1 maj të 2013-s dhe me thënë të drejtën, jo vetëm unë, por edhe njerëzit e mi kurrë nuk janë ndaluar dhe arrestuar.

Çim Peka: Zoti Spahiu se këtu po e dëgjoj për herë të parë, ju keni tentuar të futeni si protestues në oborrin e kryeministrisë në 2013-n?

Spahiu: Po.

Çim Peka: Pas 21 janarit të 2011?

Spahiu: Po jam futur në oborrin e kryeministrisë në maj të 2013-s.

Çim Peka: Jeni futur si vizitor apo si protestues?

Spahiu: Jo jam futur si protestues, kur kemi dalë kemi rrethuar kryeministrinë e Sali Berishës kur kemi dalë në 1 maj të vitit 2011, sapo kishte filluar fushata elektorale, dhe në mënyrë simbolike atëherë kam hedh një antiplumb për ti thënë kryeministrit që ose të mbrohesh ose të largohesh. Ka qenë një xhest mjaft agresiv ndaj një kryeministri vendi që të hysh në gardhin e kryeministrisë. Kam çarë gardhin e kryeministrisë në atë periudhë dhe nuk më ka ndodhur asgjë. Po ndiej keq ardhje se shoqërimi im në polici është bërë se kanë ardhur në zyrë dhe më kanë marrë.

Çim Peka: Pra nuk keni qenë në protestë, jeni marrë në zyrë?

Spahiu: Unë kam qenë në protestë, por nuk kam qenë pjesë e aksionit. Protesta atë ditë ka qenë e kompozuar ka qenë unike. Pra protesta që është zhvilluar para disa ditësh ka qenë e para. Domethënë ne jemi përpjekur që në gjithë karrierën tonë të jemi inovatorë, pra të kemi ide të reja në protestë. Dhe protesta në Bashkinë e Tiranës është unike dhe nuk ka ndodhur ndonjëherë. Tre dyert e Bashkisë së Tiranës mbasi ishin studiuar për tre ditë rresht, u monitoruan dhe kishin dy dyer, pra kishin dyer hekuri dhe dyer dërrase, pra druri. Dhe në të njëjtin moment 3 grupe me nga 30 veta secili, në të një njëjtën sekondë dhe në të njëjtën orë, u sulmuan dyert dhe u vunë zinxhirë dhe dryni të mëdhenj dhe pastaj përveç drynëve u kryqëzuan dhe me dërrasa dhe me simbolikën ?Zonë Krimi?.

Çim Peka: Ka qenë ora?

Spahiu: Ka qenë ora 7:20. Për shkak se Lulzim Basha me Mogerinin kanë qene live në takim, mediat nuk kanë mundur ta transmetojnë, kamera nuk ka pasur, aktivistët e kanë filmuar me celular të tre aksionet dhe për 45 minuta policët kanë mbetur Brenda, nuk dilnin dot. Punonjësit e bashkisë erdhën nuk hynin. Erjon Veliaj nuk vjen asnjëherë se ai nuk punon dhe kjo është dhe ideja pse ne mbyllëm bashkinë sepse ai është pa punë.

Çim Peka: Këtë e keni slogan apo realisht fakt që zoti Veliaj nuk shkon asnjëherë në zyrë?

Spahiu: Ne kemi kohë që e monitorojmë dhe e ndjekim zotin Veliaj, na ka pas ai, dhe do të na ketë gjithmonë. Ai dhe Edi Rama do të na ketë pas gjithë jetën, gjithë jetën e tyre biologjike se politike mbarojnë shpejt ata. Dhe ne i jemi vënë pas dhe e kemi parë që ai nuk shkon në punë, shumë problematik. Çfarë të bëjmë çfarë të bëjmë thamë ta mbyllim, ai nuk punon që nuk punon thamë t?ia mbyllim, për çfarë i duhen zyrat.

Çim Peka: Zoti Spahiu ju keni qenë pjesë e kupolës së sistemit të Drejtësisë, a ju duket një akt i paligjshëm dhe dhunim institucioni?

Spahiu: Nuk është dhunim se ne mbetëm jashtë. Ne ndenjëm jashtë për ti bërë thirrje hajde mor zotëri.

Çim Peka: Por bllokuat bashkinë, bllokuat stafin?

Spahiu: Bllokuam bashkinë, se bashkia në të gjithë botën, se po të shohësh Bashkinë e Çikagos, Nju Jorkut, San Diegos, bashkitë janë të hapura me xham, me dyer të hapura, se bashkia nënkupton qeverisjen e publikut të qytetit. Vetëm në Shqipëri janë si bunker.

Çim Peka: Nëse këtë godinë nuk e ka bërë Erjon Veliaj, kjo është një arkitekturë italiane të cilën në fakt është e vetmja gjë që mburremi në qytet zoti Spahiu. Nuk mund ti vëmë zotit Veliaj përgjegjësi edhe për arkitekturën e godinës?

Spahiu: Po kjo është arsyeja që slogani jonë ishte që Tiranën si plan urban nuk e pushtoi dhe okupoi as Musolini dhe as Hitleri, por Edi dhe Eri. Pra kjo realisht është e gjithë filozofia me të cilën ne e ndërtuam aksionin qytetar.

Çim Peka: Gjithsesi sqarimi mund të jetë i bukur, por krahasimi nga Musolini tek Edi dhe Eri edhe nga emrat nuk janë fort bindës për ti paraqitur si diktatorë.

Spahiu: Jo nuk ka lidhje, ka lidhje me filozofinë e ndërtimit të qytetit, ka lidhje me filozofinë e ndërtimit të një qyteti. Sot bulevardet kryesore, objektet dhe godinat kryesore, imazhi i të gjithë kryeqytetit ende mbetet në themelet e Musolinit. Pra çfarë kanë qenë më pas si kryeministra të Tiranës, apo si qeveritarë të këtij qyteti por nuk kanë bërë asgjë, veçse e kanë shkatërruar.

Çim Peka: Musolinin mund ta kritikojmë për gjithçka në këtë botë, por italianët vetëm për arkitekturën nuk kritikohen zoti Spahiu?

Spahiu: Pikërisht po të shkosh në Romë apo kudo ende janë ndërtuar rrugët apo i gjithë qyteti për një vizion 200 vjeçar. Kjo është arsyeja që ne jemi shumë të qartë për objektivin. Mënyra se si dolëm ne përfaqësuam interesat edhe të shoqërisë civile edhe të shumë lëvizjeve të tjera politike. Por ishte dhe një lloj hakmarrjeje për dhunën që ata përdorën ndaj shoqërisë civile pak ditë më parë. Erion Veliaj e shfrytëzoi se ne nuk ishim në Shqipëri, ishim pranë emigrantëve dhe ai rrahu shoqërinë civile.

Çim Peka: Të flasim për ndalimin, kanë ardhur dhe ju kanë marrë në zyrë, argumenti?

Spahiu: Argumenti në emër të Policisë së Shtetit akuzoheni për miting të paligjshëm, dhe kemi urdhër nga Ministri i Brendshëm për tu shoqëruar në komisariat për të dëshmuar dhe për të vendosur masën e sigurisë.

Çim Peka: Këto po i thoni ju zoti Spahiu apo është realisht ajo që ju komunikuan. Kemi urdhër nga ministri i Brendshëm për t?iu shoqëruar?

Spahiu: Patjetër po se si. Ti mendon se këto i bëri kapteri i lagjes. Unë nuk mendoj. Por nuk mendoj se mund të vijë kapteri i lagjes dhe të thojë kemi urdhër nga Ministri i Brendshëm.

Spahiu: po ishte i detyruar ai që ta thoshte. Sepse ai kishte dhe një mandate, foli në telefon dhe me Ministrin e Brendshëm, por për hir të së vërtetës, se nuk jam këtu unë për të akuzuar Saimir Tahirin. Policia e Shtetit përfshirë dhe Ministrinë e Brendshme sepse brenda 20 minutash policia bashkiake kishte dorëzuar një kallëzim, denoncim ndaj kreut të AK-së dhe 7 aktivistëve të tjerë. Ishin të detyruar që në bazë të atij denoncimi të kryenin veprimet. Në komisariat patëm një komunikim etike, sepse policia është me ne. Ushtarakët dhe policia shumë shpejt të jeni të bindur do ti shikoni në rresht në revolucionin demokratik në Shqipëri, se revolucioni demokratik nuk bëhet vetëm me të papunët. Nëse ne nuk bëjmë palë ushtrinë dhe policinë nuk kemi asgjë në vijë. Në një farë mënyre ne porositëm njerëzit tanë dhe aktivistët që të silleshin mirë dhe të mos kundërshtonin. Po ta shikoni gjestin edhe unë isha shumë fisnik për mënyrën se si komunikova.

Çim Peka: Çfarë ju thanë në komisariat zoti Spahiu?

Spahiu: Më komunikuan akuzën, më kërkuan dëshmi, i thashë më vjen keq, por ne nuk e njohim këtë qeveri. Ne nuk mund të komunikojmë me një pushtet i cili është ilegjitim. Të gjithë në unanimitet u mbajtëm, unë u mbajta 5 orë se të tjerët u mbajtën 24 orë, bashkëpunëtorët e mi.

Çim Peka: U mbajtët në Drejtori apo në komisariat?

Spahiu: U mbajtëm në komisariat tek dhomat e izolimit të komisariatit numër 1, që duket mbas Ministrisë së Jashtme. Atje kam refuzuar për 5 orë deponimin dhe nuk kam deklaruar as unë as bashkëpunëtorët e mi asnjë fjalë ndaj oficerëve të Policisë Gjyqësore dhe Shefit të krimeve, sepse jemi të qartë që ne këtë qeveri dhe këtë pushtet nuk e njohim. Është një pushtet që ka ardhur nëpërmjet parasë, blerjes së votave dhe bandave.

Çim Peka: Kjo është interesante, duket detaj por është mjaft interesante se po flasim për një drejtues partie dhe një ish-funksionar të lartë të drejtësisë. Në dhomë të izolimit keni qenë vetëm zoti Spahiu?

Spahiu: Po.

Çim Peka: Domethënë për 5 orë jeni mbajtur vetëm?

Spahiu: Po, po.

Çim Peka: Dhe në fund jeni lënë i lirë pa deponuar?

Spahiu: Po pa deponuar. Vetëm kam firmosur procesverbalin që refuzoj të komunikoj dhe të deklaroj.

Çim Peka: Dhe pas këtij momenti s?keni pasur më komunikim?

Spahiu: Po, por më është dhënë akuza që akuzoheni dhe këto material do ti kalojnë prokurorisë për zhvillim të tubimit të paligjshëm.

Çim Peka: A keni ndërmend të ndaloni zoti Spahiu?

Spahiu: Pse?

Çim Peka: A keni ndërmend të ndaloni, këtë lloj proteste flas gjithmonë?

Spahiu: Protestat që do të vijnë do të jenë shumë radikale, do të jenë shumë më ekstreme. Që ta dini atë ditë asnjë nga bashkëpunëtorët nuk ka pasur dijeni për aksionin, për shkak se ne kemi pasur një aksion të dështuar, ka pasur një tentativë për të goditur Erion Velinë një javë më parë. Dhe tentative ka qenë pranë Liceut Artistik, janë ndaluar 10 aktivistë.

Çim Peka: Për ta goditur me çfarë?

Spahiu: Për ta goditur më një kovë fekale. Dhe në moment policia i ka sekuestruar armën e zjarrit siç e quanin ata dhe kanë ndaluar aktivistët tanë sepse na kishin përgjuar dhe na kishin dekonspiruar në aksion. Do të ishte një nga aksionet më brilante dhe do të hynte në rekordin Guines. Dhe e keni parë që nuk del më live.

Çim Peka: Gjithsesi dhunim është zoti Spahiu. E para me çfarë të drejte merrni një aksion kaq denigrues dhe e dyta ky është sulm direkt?

Spahiu: Jo nuk është sulm direkt, sepse tani e gjithë opozita po i mbaron domatet, patate, gjithë zarzavatet e mundshme, njerëzit po marrin dhe rezerva. Po ta vini re në bllokun e udhëheqjes në qendër të Tiranës ku janë baret kryesore, disa prej tyre janë duke falimentuar, sepse ministrat dhe deputetët e qeverisë nuk shkojnë më, kanë frikë. Kanë frikë ju ka rënë xhiroja këtyre lokaleve. Kanë frikë të dalin në publik, makinë, shpi zyrë, makinë zyrë, shpi, sepse kanë frikë të dalin nëpër publik. Tani edhe kur pinë, pinë tek shtëpitë e njëri-tjetrit se po të dalin në restorante dhe në bare mund tu bjerë populli shumë keq. Aq sa po shkojnë pikiatë lokale dhe bare ku këta prishnin pafundësisht para. Kanë filluar tani nuk dalin as në transmetim live. Por ajo që thashë ishte figurative sepse praktikisht aktivistët kishin disa kova me domate të kalbura dhe me mbetje të zarzavateve të cilat do godisnin kryetarin e bashkisë. Aksioni dështoi dhe u dekonspiruar. Për këtë arsye për aksionin kisha dijeni vetëm unë dhe dy bashkëpunëtorët e ngushtë, aktivistëve të tjerë jua treguam në ora 6:00 e mëngjesit kur dolëm, dhe rrethuam bashkinë e ekzekutuam dhe i gjetëm të papërgatitur.

Çim Peka: Çfarë keni në plan? Cili është aksioni i radhës?

Spahiu: Aksioni i radhës, radhën e ka Edi Rama, dhe për një arsye të thjeshtë. Mendojmë që ka një lloj shpenzimi energjie të tepërta dhe shpërqendrim të vëmendjes duke konsideruar armik kryesor Erion Velinë. Mendojmë që problemet dhe kriza politike dhe ekonomike në Shqipërinë i takon të ketë përgjegjësi personalisht kryeministrit Rama. Në qoftë se kërkojmë zgjedhje të parakohëshme dhe revolucion demokratik, kjo nuk vjen duke rrëzuar kryetarin e bashkisë. Kryetari i bashkisë do ndëshkohet, kryetari bashkisë do denigrohet, kryetari i bashkisë duhet të shkojë në dorëheqje, por Shqipëri nuk shpëton vetëm duke rrëzuar Erjon Velinë, targeti kryesor këtej e tutje është Edi Rama.

Çim Peka: Format e protestës ndaj tij, ose format e sulmit ndaj tij?

Spahiu: Format e sulmit do të jenë surprizë, po e monitorojmë. Edi Rama është nën vëzhgim dhe në momente të caktuara Edi Rama do të përballet me mjete dhe ide të shkëlqyera për ta denigruar publikisht figurën e tij sepse ai meriton të ndëshkohet nga populli.

Çim Peka: Gjithsesi këto janë tipike sulme guerrilase zoti Spahiu. Kë jeni duke imituar? Sepse edhe ndaj Vetëvendosjes ju në retorikë jeni mjaft i ashpër. Apo nuk jeni dakord me ato çfarë thotë Albini por jeni dakord me ato çfarë bën Albini?

Spahiu: Jo, unë mendoj që nuk ka ndonjë lloj inovacioni tek Vetëvendosja dhe nuk mundet të jesh kopje e rrethanave të tjera politike apo shoqërore në të cilat zhvillohet Kosova dhe Shqipëria.

Çim Peka: Por stili i protestës është i njëjtë?

Spahiu: Stili i protestës është disi më ndryshe. Sigurisht që në fund të fundit mjetet ato janë. Bile mund të them se dhe ato që bën Albini, asnjëri nuk është për herë të parë nga Vetëvendosja, janë modele nga lëvizjet ekologjike, nga të gjelbërtit.

Çim Peka: Kryesisht nga lëvizje të majta.

Spahiu: Po nga lëvizje të majta.

Çim Peka: Zoti Spahiu ju si lëvizje çfarë jeni, lëvizje e majtë apo lëvizje e djathtë?

Spahiu: Si mund të jesh i majtë dhe të jesh lëvizje nacionaliste dhe patriotike. E majta shqiptare është fatkeqësia e kombit, e majta shqiptare është internacionaliste, e majta shqiptare është thellësisht komuniste. Nuk mundet që një lëvizje me një program për bashkim kombëtar ti përkatësi të majtës. Ne kemi qenë shumë të qartë në optikën tonë për Kosovën. Jemi e vetmja lëvizje politike në Shqipëri që është antikonformiste edhe me Prishtinën dhe Shkupin, të qartë, krejtësisht të qartë politikisht, se kush janë sot problemet që po bëjnë peng edhe Prishtinën dhe Shkupin. E kemi bërë pa doreza edhe kemi pas firo dhe në marrëdhëniet tona politike me këta partner, me të cilët nuk kemi qenë të interesuar të hamë peskavica apo të pimë raki, sepse ajo që duhet të na bashkojë janë pikëpamjet, idetë për ta parë njëri tjetrin në sy. Çfarë ndodh? Sot është fatkeqësi që neokomunizmi, nacionalkomunizmi dhe antiamerikanizmi po zë vend në opozitën shqiptare në Kosovë. Kemi qenë të qartë në gjysmë urimin që i bëmë gjysmë presidentit në gjysmë shtetin e gjysmë të pavarur të Kosovës. Në atë gjysmë shteti ky gjysma feston dhe gjysma shkrumbon në atë gjysmë himni dhe gjysmë flamuri.

Çim Peka: këtu keni një kontradiktë në logjikë. Nga njëra anë akuzoni opozitën kosovare si antiamerikane nga ana tjetër në retorikën që pak a shumë të të drejtave që ka fituar Kosova i keni të njëjta. Në qoftë se ka tezë të VV në atë çfarë bie ndesh me atë çfarë pretendojnë SHBA-të dhe aleatë të tjerë të Kosovës është ideja se sot Kosova nuk është një shtet i pavarur. Në qoftë se edhe ju mendoni se sot Kosova ka një gjysmë shtet, një gjysmë pavarësi, ka një gjysmë president, ku ndryshoni ju nga Albin Kurti?

Spahiu: SHBA-të kanë një axhendë shumë të qartë, por që kanë të përcaktuar edhe vijën e kuqe ose kornizën nëse kalohet apo nuk kalohet. Në konceptin tonë, kur ne themi që është gjysmë shteti apo gjysmë i pavarur ne bëjmë një konstatim dhe për ne Kosova si e pavarur si gjysmë e pavarur për ne është njësoj, dikush do të thotë pse? Po sepse ne kemi një vizion tjetër. Ne kemi vizionin e bashkimit të Shqipërisë me Kosovën. Kosova si me EULEX si me Hashim Thaçin, personalisht unë mendoj që nuk ka ndonjë ndryshim. Madje unë kam një objeksion që me EULEX-in qeveriset më mirë se me Hashim Thaçin, se Hashim Thaçi është një injorant i pashkollë, një njeri i paftë, të cilit përveç meritës së luftës nuk i gjej dot ndonjë meritë tjetër. Që të çlirosh Kosovën nuk do të thotë të mirë administrosh atë.

Çim Peka: Zoti Spahiu po i bëni një nder shumë të madh Thaçit. Thaçit mund ti thoni nga mëngjesi deri në darkë injorant nuk e ka problem. Por ti japësh Thaçit pasaportën çlirimtare të Kosovës kur meritën e kanë amerikanët? Një konstatim, Thaçi më shumë meritë dhe talent ka treguar pas luftës se sa gjatë luftës. Në qoftë se kan ndonjë politikan mbas Ibrahim Rugovës i cili është një mjeshtër i konjukturave dhe aftësi në politikë në Kosovë sot është Hashim Thaçi.

Spahiu: Si arriti Hashim Thaçi të bëhej president dhe këtu ka një kontribut opozita shqiptare e Kosovës, përfshirë dhe Vetëvendosjen. Në një moment të caktuar opozita shqiptare atje ka kaluar vijën e kuqe të axhendës amerikane, dhe nacio0nal komunizmi i VV-së dhe antiamerikanizmi në momente të caktuara ka bërë që amerikanët përfshirë dhe sekretarin Kerry në një moment të caktuar ka bërë që të zgjedhin të keqen më të vogël në Kosovë. E keqja më e vogël ka emrin Hashim Thaçi për amerikanët. Këtu jemi diskutuar për mënyrën se si Hashim Thaçi u bë kaq lehtësisht president. Unë jam njeriu që mendoj se nuk janë votat e LDK-së. Nëse faktori amerikan do të kapte Isa Mustafën, LDK-në, Teuta Rugovën dhe do të thoshte mos e votoni Hashim Thaçin, Hashim Thaçi nuk do të ishte president. Dihet qartë se pse Hashim Thaçi ka skepticizmin e vet për Gjykatën Speciale, pse ka frikë dhe kush janë problemet që ka pasur në të shkuarën. Ne sot duhet t?ua themi shqiptarëve në sy, që as Hashimi dhe as Albini nuk do të ishin deputetë të Kuvendit, nuk do ishin në politikë nëse SHBA-të nuk do të shpenzonin miliona euro, dhe nëse ushtria amerikane nuk do të çlironte Kosovën. Ne për 100 vjet nuk e çliruam Kosovën, nuk e çlironte as Hashimi as Albini.

Çim Peka: Dua të bëj vetëm një konstatim korrekt vetëm një lidhje me qëllimin tuaj kryesor si formacion politik, i majtë jo e jo, por as i djathtë, një formacion nacionalist me një qëllim të vetëm, bashkimin e Shqipërisë me Kosovën, ky ka qenë slogani juaj të paktën prej vitesh, që kur jeni krijuar. Të njëjtin slogan ka pasur dhe Albin Kurti, të cilin ju e quani gati gati si filorus dhe antiamerikan. A keni një parti politike në Kosovë në gjysmën tjetër për ta bërë këtë gjë të mundur?

Spahiu: Që ti kemi të qarta gjërat. VV sot ka vetëm një avantazh që nuk ka qenë kurrë në pushtet dhe nuk është konsumuar. Albin Kurti dhe VV kanë deklaruar se aleati kryesor në Shqipëri është Edi Rama. Këtu ka mbyllur një kapitull shumë të madh në historinë e bashkimit kombëtar, sepse ka zgjedh një aleat dhe linjën politike që zyrtarisht është kundër bashkimit kombëtar, që është Partia Socialiste.

Çim Peka: Përveç jush çdo parti politike është kundër. Çdo formacion politik shqiptar ka deklaruar se njeh shtetin e Kosovës dh nuk është për bashkim kombëtar.

Spahiu: E dyta, Albin Kurti dhe Shpend Ahmeti kanë deklaruar se e kanë idhull dhe model qeverisje Edi Ramën me komunën e Prishtinës dhe Bashkinë e Tiranës. E treta kanë deklaruar se janë një parti e majtë. Ato që të bashkojnë nuk janë simpatitë individuale. Personalisht mund të ulemi të flasim dhe unë e kam mbështetur personalisht Albinin, por na ndan filozofia. Unë nuk mund të pranoj dot një lëvizje politike që të jetë e majtë, nuk e pranoj të jetë nacionalkomuniste, nuk e pranoj dot të ketë aleat Edi Ramën, një parti e cila është tërësisht kundër bashkimit, nuk e pranoju dot të kalojë vijën dhe axhendën amerikane në Ballkan.

Çim Peka: Axhenda amerikane në Ballkan është Kosova një shtet i pavarur dhe jo bashkim?

Spahiu: Sot.

Çim Peka: Sot, por ju në këtë aspekt e keni kaluar?

Spahiu: Jo, sepse ne kemi modelin amerikan të konfederatës, të dy shteteve për të krijuar Shtetet e Bashkuara të Shqiptarëve.

Çim Peka: Paskeni ndryshuar, nga bashkimi i Kosovës me Shqipërinë në një shtet të vetëm?

Spahiu: Jo, jo një shtet kanë ata.

Çim Peka: Por dhe Shtete e Bashkuara të Shqiptarëve amerikanët nuk e kanë, amerikanët e kanë të qartë Shqipëria dhe Kosova takohen vetëm në Bruksel.

Spahiu: E di pse nuk e kanë amerikanët, për një arsye të thjeshtë. Amerikanët nuk e kanë sepse nuk e ka as qeveria e Kosovës as qeveria e Prishtinës. Tani kur Edi Rama dhe Hashim Thaçi janë kundër si mund t?ua kërkojmë amerikanëve ne këtë gjë.

Çim Peka: A keni një aleat në Kosovë për këtë gjë?

Spahiu: Po besoj që po me NISMA-n, kemi marrëdhënie bilaterale dhe shumë të madh, dhe me Ramush Haradinajn me Aleancën për Ardhmërinë e Kosovës dhe këto dy parti kanë treguar një lloj dinjiteti dhe një lloj opozitarizmi të fortë, ju thashë edhe pikat që na ndajnë dhe na bashkojnë me VV, por unë mendoj që edhe LDk mbetet një vlerë për Kosovën, pavarësisht pas problemeve që ndodhën pas vdekjes së Presidentit Rugova, ku LDK-ja u desh të përballej me ndarjen e saj, çarjet fraksionet etj.

Çim Peka: kthehemi në Shqipëri, sot të gjitha mediat të cilat e kanë të varur politikën editorial nga zyra e shtypit e kryeministrit dhe bëhet fjalë për mediat kryesore në vend, i kanë kushtuar rëndësi një takimit tuaj me Ben Blushin dhe madje madje zoti Blushi gati është kryqëzuar sot pse ju ka takuar ju, një kundërshtar dhe opozitar të fortë të Edi Ramës. Zoti Spahiu cila është e vërteta e takimit me Ben Blushin dhe çfarë keni biseduar me të?

Spahiu: Çështja është e kujt takimi, se unë takimin e parë e kam pas me Ben Blushin në vitin 1990, para 20 vjetësh dhe e kam shumë të vështirë tani të mendoj të gjitha takimet dhe kafet që kam pirë me Ben Blushin, ku i kam pirë, si i kam pirë dhe për çfarë kemi diskutuar. Ajo që mund të them është se Ben Blushi nuk është një kryetar partie që unë mund të ulem dhe të bëj një marrëveshje politike. Unë jam kryetar i një force politike që negociatat, marrëveshjet mund ti bëj vetëm me drejtues të subjekteve politike., jo me individë. Sigurisht që unë mendoj që Ben Blushi mbetet një vlerë shoqërore, sociale, politike, është kënaqësi ta kesh mik.

Çim Peka: Fotografia e famshme që qarkullon prej dy ditësh në media dhe në rrjetet sociale?

Spahiu: Një gjë është e sigurtë që ajo fotografi nuk është e djeshmja apo e pardjeshmja, unë këtë mund të them.

Çim Peka: Pra është një kafe më e hershme?

Spahiu: Patjetër që po, është një kafe që edhe unë se mbaj mend kur është bërë.

Çim Peka: Dhe është sjellë në këto momente?

Spahiu: Është sjellë në këto momente për të goditur Ben Blushin. Dhe më vjen keq që është përdorur një kafe për këtë gjë, ndiej vërtetë keqardhje për këtë gjë. Por është me të vërtetë e çuditshme se si në Partinë Socialiste është konsideruar krim një kafeja me Kreshnik Spahiun. Por mirë pyetja lind, kur Edi Rama rinte në radhë për të pirë kafe me mua dhe më lutej a e pimë tek Sheratoni, s?më linte kurrë edhe për ta paguar, pse nuk ishte krim që të pije kafe me Kreshnik Spahiun.

Çim Peka: Këtë të pagesës nuk ta besoj sepse unë me zotin Rama kam pirë kafe shpesh por kurrë nuk ka pasur portofol me vete.

Spahiu: Po jo, ai nuk paguante vetë, por seç i ka nja dy banditë që i mban me vete gjithmonë, që i përdorte si portofol dhe paguan ata.

Çim Peka: Me mua ka bërë gjithmonë si i varfër, nuk e di me ty?

Spahiu: Kështu që është pak e çuditshme, pra mendoj që nga zyra e PS-së ka pas një keqpërdorim të arkivave të fotove të njerëzve në media.

Çim Peka: Sërish në media është folur për një drekë tuajën me Ilir Metën dhe madje zoti Rama ishte nisur për në zyrën e zotit Meta dhe është kthyer mbrapsht, për takimin e të mërkurave të famshme, është kthyer mbrapsht ndërsa Ilir Meta po drekonte me ju, në mos gaboj tek Sofra e Ariut. Çfarë keni biseduar me zotin Meta, se ky është kryetar partie? Në qoftë se zoti Blushi nuk ka tagër për të biseduar për aleanca me zotin Spahiu, zoti Meta sigurisht që ka tagër për të biseduar?

Spahiu: Unë kam pasur mundësinë që të takohem shpesh me Ilir Metën, dhe me Ben Blushin dhe me Lulzim Bashën. Tani unë për çdo lider politik që flet shqip të kem kurajën që të bisedoj dhe siç dihet unë personalisht kam demonstruar me prova dhe me historinë politike që jam i fortë në tavolinë, që pavarësisht se mund të ulem nuk thyem kollaj në bindjet dhe linjën time politike, sepse deri më sot që nga dita që kam krijuar formacionin politik nuk jam ulur në asnjë tryezë formale. Jam ulur në mënyrë informale por nuk kam lejuar që të shkojë drejtë një tryeze politike për të zyrtarizuar një marrëveshje apo një koalicion politik, deri më zero marrëveshje politike apo koalicione të mundshme. Përgjithësisht me politikanët kur takohesh flet për aktualitetin, në thelbin e takimeve shumica e tyre flasin për Reformën në Drejtësi duke përfituar edhe nga eksperienca në të cilën unë kam pasur prej 20 vitesh në sistemin e drejtësisë. Eksperienca që unë kam pasur në sistemin e drejtësisë më ka bërë që unë të kem një optikë më të qartë dhe më realiste për të treguar se ku kund të jetë perspektiva dhe ku janë dështimet, ku janë problemet që bartin debatet e sotme. Realisht eksperienca të bën që ta keshë shumë më të thjeshtë panoramën që mund të servirësh ndaj miqve në politikë dhe në tërësi këto janë bisedat të cilat kam zhvilluar.

Çim Peka: A keni diskutuar diçka më konkrete në takimet që keni pasur me zotin Meta, sepse bëhet fjalë pikërisht për një drektë të gjatë në kulmin e acarimeve që ka pasur me Edi Ramën?

Spahiu: Nuk kam pasur vetëm këtë drekë, kam pasur shumë dreka.

Çim peka: Po ju pyes vetëm, për këtë zoti Spahiu?

Spahiu: Por e kam shumë të vështirë. Unë kur ha shumë dreka me dikë e kam shumë të vështirë të mendoj se çfarë bisede u bë.

Çim Peka: Zoti Spahiu se duket që jeni edhe në dietë dhe më shumë bisedoni se sa hani. Çfarë keni biseduar në takimin e fundit me Ilir Metën?

Spahiu: Po besoj ka qenë sallatë ajo menuja.

Çim Peka: Edhe biseda?

Spahiu: Po mikse.

Çim Peka: Po me Lulzim Bashën, në mos gabohem pak ditë pas?

Spahiu: Dëgjo me të gjithë faktorët politikë unë jam i interesuar për krijimin e një opozite të gjerë.

Çim Peka: Në këtë rast përfshihet dhe zoti Blushi?

Spahiu: Jo, jo. Me çdo politikan thashë apo lider partish sot shqetësimi kryesor i AK-së është krijimi i një fronti, sepse unë mendoj se Edi Rama po përfiton me kundërshtarët e vet të qeverisë sepse ata nuk komunikojnë me njëri-tjetrin, dhe çfarë ndodh. Duke qenë ai përballë Ilir metës, gjithmonë është superior ndaj Ilir Metës, duke pasur të veçuar Lulzim Bashën është superior dhe ndaj Lulzim Bashës, duke pasur të veçuar Kreshnik Spahiun, duke pasur pushtetin që ka është superior edhe ndaj Kreshnik Spahiut, duke qenë me atë parti 70 vjeçare është superior ndaj çdo faktori politik. Atëherë çfarë ndodh, të gjithë këta faktorë politikë të lënë mënjanë mëritë e të shkuarës, të jenë më të civilizuar dhe më evropianë në komunikimin e tyre. Komunikimi sot është një e metë të cilin edhe unë e kam treguar dhe ja di një nga gabimet vetes.

Çim Peka: Këto takime të shpeshta janë në ftesën tuaj, apo jeni ftuar nga personazhet në fjalë?

Spahiu: Reciproke, është çështje qokash, njëherë të ftojnë ata njëherë i fton ti. Unë mendoj se si më i riu në politikë dhe kam dashur që të provoj dhe çështjen e komunikimit sepse për dy vjet unë ngriva çdo urë komunikimi qoftë me Partinë Demokratike, PS-në LSI-në dhe gjithë faktorin politik. Tani vjen një moment që kjo ishte krejtësisht e papranueshme sepse jetojmë në këtë vend dhe nuk mund të jemi aq shumë mitomanë sa të mund të mendojmë se do të fitojmë 100% të parlamentit dhe je i detyruar që të shikosh mundësinë e komunikimit, gjuhën e përbashkët, port ë shikosh edhe më lart me një optikë më afatgjate dhe për partner.

Çim Peka: Meqenëse jeni në një moment reflektimi, po me Sali Berishën, jeni takuar zoti Spahiu?

Spahiu: Jo, me Sali Berishën komunikimi i fundit me të ka qenë në 9 maj të vitit 2009 dhe kam pothuajse 7 vite me të cilin nuk komunikoj, dhe ky është thuajse një nga avantazhet më të mëdha që ka Edi Rama dhe këtë e di shumë mirë dhe prandaj përfiton. Nëqoftë se do të vijë një ditë dhe këta dy njerëz do i shtrëngonin dorën njëri-tjetrit për të hedhur pas shumë gjëra, ndoshta ai njeri nuk do të zgjaste më shumë se 24 orë në pushtet.

Çim Peka: Pra ju po më thoni se kohëzgjatja e zotit Rama si kryeministër varet nga një shtrëngim duarsh ndërmjet jush dhe zotit Berisha?

Spahiu: Jo, kjo ishte një simbolikë figurative që nënkupton shtrëngimin e duarve i të gjithë faktorit opozitar.

Çim peka: A e keni ftuar për një kafe zotin Berisha?

Spahiu: Jo.

Çim Peka: Prisni tu ftojë zoti Berisha apo nuk e shikoni të arsyeshme të takoheni me të?

Spahiu: Kundërshtarë në politikë nuk do të thotë armik në politikë. Siç thashë që unë kam protestuar që në 8 dhjetor ndaj Ramiz Alisë, është se nëqoftë se ka një problem sot Shqipëria është se na qeveris përsëri e njëjta parti dhe për hir të së vërtetës nëqoftë se AK shikon që ka një doktrinë që i përket të djathtës është mirë që të mbyllësh urat e komunikimit me partitë e djathta.

Çim Peka: A u surprizuat kur tek kolegu Arian Çani, zoti Berisha ju mbrojti dhe ju doli në krahë ditën e arrestimit tuaj?

Spahiu: Besoj që Sali berisha tregoi një fisnikëri ashtu si dhe unë kam treguar që kundërshtarët politikë i kundërshtoj dhe i sulmoj ashpër, jam opozitari më i fortë kur ata janë në pushtet, dhe jam njeriu më fisnik për ti respektuar kur ata janë në opozitë. Njerëzillëku i një politikani i një individi shikohet në trajtimin dhe raportet që vendos me një person kur ai është në pushtet dhe ai është në opozitë. Në të gjithë ligjëratën time politike në 25 vjet kurrë nuk kam bërë opozitën e opozitës jam treguar shumë dinjitoz, dhe me të gjithë kryeministrat kam mbajtur qëndrim opozitar. |Dhe unë mendoj qoftë Sali Berisha, Ilir Meta, Fatos Nano, di të vlerësojë karakterin apo dinjitetin e çdo politikani apo Kreshnik Spahiun kur ata janë në opozitë dhe i ka rrëshqitur këmba kur janë në pushtet. Kur janë në pushtet të gjithë i kanë bërë servilin dhe unë kam bërë të kundërtën dhe kur janë në opozitë të gjithë të kthejnë kurrizin por unë kam bërë sërish të kundërtën gat ë tjerët.

Çim Peka: Për ta mbyllur zoti Spahiu: Cila është protesta e radhës dhe kur?

Spahiu: Mendoj që Shqipëria nuk ka nevojë për miniprotesta, mendoj që po vjen një moment kur këto miniprotesta e konsolidojnë këtë pushtet dhe e përçajnë opozitën, jam ndier shumë keq dje kur disa kolegë të opozitës janë fërshëllyer nga shoqëria civile në dyert e komisariatit, jam ndier keq nga egoizmi i tepruar i shumë faktorëve opozitarë të shoqërisë civile apo të politikës kur duan ti fusin bërrylin dhe ti marrin flamurin e protestave. Në qoftë se të gjithë këto miniprotesta të gjithë këto përrenj, nuk futen në një shtrat që të kemi një lumë që ti hedhë matanë gjithë këta drunj dhe kërcunj të qeverisjes do ta kemi shumë pis këtë. Unë do përpiqem me lëvizjen e AK-së që realisht këtë radhë të tregojmë një maturi pas 4 vitesh themelimi që të jemi pjesë e anës konstruktive që të bashkojmë të gjithë faktorin opozitar, të gjitha protestat për të bërë një kryengritje të madhe një kryengritje e cila do të tronditi themelet e këtij pushteti.

Çim Peka: Protestë individuale nga ju nuk do të ketë më?

Spahiu: Ne konsiderojmë që Lulzim Basha dhe PD po bëjnë përpjekje maksimale për ta rinovuar strukturën e vet dhe për tu shkëputur nga nomeklatura 25 vjeçare e ish ministrave të cilët shkojnë me Giorgo Armani apo me çanta dhe taka me nga 5 mijë euro në protesta. Shqipëria nuk ka më nevojë për këta, sepse këta nuk ngrejnë frymë nuk krijojnë kauzë. Së bashku kemi qenë në studiot e FAKT, ku kam deklaruar para 2 vjetësh që opozita duhet të grisi mandatet. Dhe sigurisht që këtu marr kurajën dhe them më vjen mirë që pas 2 vitesh e gjysmë opozita dhe lideri i saj po vijnë tek ideja e grisjes së mandateve. Nëqoftë se opozita, PD do të zgjedhë grisjen e mandateve, bojkotin dhe braktisjen e Kuvendit të Shqipërisë, dhe të zgjedhë një front tëri për bashkimin e të gjithë faktorin opozitar në rrugë.

Çim Peka: Kjo është platforma juaj për opozitën e bashkuar, pyetja konkrete është kur do të bëjë një protestë të radhës vetë Aleanca Kuq e Zi?

Spahiu: Protestë apo kryengritje se janë dy gjëra të ndryshme?

Çim Peka: Protestë.

Spahiu: Protestat janë të përjavshme, kryengritjen shpresojmë ta realizojmë në maj, atëherë kur pranvera dhe njerëzit ti paraprijnë Kuq e zi me plisa për të larguar këta pisa. Kuq e Zinjtë dhe Plisat duhet të jenë në Tiranë dhe jo në Paris, se ne kemi një kryeministër që flet më shumë për futbollin sesa për ekonominë. Ai flet më shumë për pikturat se për varfërinë dhe ata do mundohen që me opiumin e futbollit t?ia mpijnë trurin publikut.

Çim Peka: Ku do e ndiqni Evropianin zoti Spahiu?

Spahiu: Shpresoj me një Shqipëri të lirë pa Edi Ramën. Ky është thelbi shpresojmë që të shkojmë me fitore në Paris, pa trajner Edi Ramën. E ke parë edhe kombëtarja njëherë nuk shkeli në Armeni në stadium Edi Rama, fitoi. Shkonte me Serbinë humbëm, shkonte me Danimarkën barazonim, sa shkelte ky në stadium tersi kudo. Prandaj ne duhet të heqim tersin me kuqezinjve tersin e shqiptarëve.

Çim Peka: Gjithsesi nacionalizmi është dhe pak folklorik. Fakti që Shqipëria shkoi për herë të parë në një eveniment kaq të rëndësishëm sportive, gjë që e kemi pasur ëndërr nuk do të thotë se nuk na bën krenarë.

Spahiu: Patriotizmi nuk është tifozllik, ky duhet të jetë ndryshimi mes patriotëve dhe tifozëve. Tifozët njëherë në vit kur ka ndeshje bëhen kuq e zi.

Çim Peka: Patriotizmi është dhe krenari zoti Spahiu?

Spahiu: Sepse ata e konceptojnë vetëm me futbollin.

Çim Peka: Patriotizmi është dhe krenari zoti Spahiu, ju nuk ndiheni krenar për këtë ekip?

Spahiu: Po pra po, por ne nuk ndihemi njëherë në vit ne ndihemi çdo ditë. Ne nuk duam që Edi Rama të jetë trajner, ai flet më shumë se De Biazi. Ai e mori peng kombëtaren e futi atje në kryeministri.

Çim Peka: Paskeni problem të madh, si fillim doni të largoni Edi Ramën si kryeministër pastaj të ndiqni Evropianin?

Spahiu: Sigurisht që është problem i madh. Të ndjekësh kampionatin Evropian me Edi Ramën kryeministër është e tmerrshme?

Çim Peka: Me Edi Ramën kryeministër apo trajner?

Spahiu: Po pikërisht pra dhe kryeministër edhe trajner edhe bastexhi se ai është dhe bastexhi.

Çim Peka: Zoti Spahiu faleminderit!