web counter
LEXO PA REKLAMA!

SHKARKO APP

App Store
Google Play

E fundit!

x

Kokëdhima kundër ligjit për dekriminalizimin

8 Mars 2016, 22:32, Aktualitet CNA

Deputeti socialist Koço Kokëdhima është shprehur kundër ligjit për dekriminalizimin e parlamentit dhe administratës publike. I ftuar në një intervistë për Blendi Fevziun në emisionin Opinion, Kokëdhima tha se ligji duhej bërë sipas te gjitha standarteve qe kane vendet e zhvilluara. Kokëdhima shtoi se ligji nuk mund te behet me arsyetimin se ish-Kryeministri Berisha shantazhonte për bojkot të punimeve në parlament.

“Ligji për dekriminalizimin ashtu si u be dhe ligji per dekriminalizimin ashtu siç duhet bere ,janë dy  2 gjera te ndryshme. Ligji  duhet bere sipas te gjitha standarteve qe kane vendet e zhvilluara, sepse keto nuk i bejne mire vendit tone.” tha Kokëdhima.

Deputeti socialist vijoi “Per sa i perket ligjit, ai ligj nuk mund te behet se pse na shantazhon Saliu se s’do vije ne parlament. Duhet bere sipas te gjitha standarteve nderkombetare. Ligji është i turpshem sepse e trajtojme vendin dhe popullin tone krejtesisht ne menyre te pamerituar”

Lidhur me deklaratat e ambasadorit amerikan Donald Lu për kriminalizimin e parlamentit dhe në veçanti të Partisë Socialiste, Kokëdhima tha se personi që ka sjellë kriminelët në politikë është ish-Kryeministri Sali Berisha, ndërsa nuk pranoi të vijonte komentin lidhur me akuzat e ambasadorit.  “Shqiperia i ka te gjitha kushtet te mos kete persona me precedente penal as ne parti as ne institucione, as kudo.  Une nuk bej komente. Pyete ambasadorin t’ju pergjigjet vete.” tha Kokëdhima në emisionin Opinion.

 





Lajmet e fundit nga