Borxhi sipas Bankes se Shqiperise/ Nga Jorida Tabaku

17 Shkurt 2016, 22:42, Ekonomi CNA

Sipas raportit të BSH-së, borxhi publik për tremujorin e trete te 2015 është rritur në krahasim me tremujorin e trete te 2014. Sipas BSH ?shënoi vlerën totale prej 7,475.8 milionë eurosh, duke u vlerësuar në rreth 73.1% ndaj PBB-së nominale dhe duke u rritur me 8.2% në bazë vjetore.? Pervecse kemi një rritje të Borxhit Publik, nga ana tjetër kemi një rënie të aftësisë paguese të tij.

Sipas BSH-së ?Vlera e regjistruar e stokut të borxhit u rrit me rreth 569.4 milionë euro, krahasuar me stokun e tij në fundin e tremujorit të tretë të vitit 2014. Stoku aktual i borxhit të jashtëm bruto vlerësohet në 73.1% në raport ndaj PBB-së nominale, raport ky rreth 3.3 pikë përqindjeje më i lartë krahasuar me atë të njëjtës periudhë të një viti më parë. Kontribuuesi kryesor në zgjerimin e borxhit të jashtëm bruto të vendit tonë ishte qeveria e përgjithshme.?

Sipas të dhënave qeveria ka 41% të peshës së borxhit, duke e rritur atë me 3.2 pikë përqindje krahasim me 2014. Pyetja që shtrohet është se ku kanë shkuar gjithë këto para të marra borxh? A kanë shkuar këto para për shërbime më të mira? A kanë shkuar këto para për përmirësimin e infrastrukturës apo janë injektuar në treg në shërbim të ekonomisë? Nuk ka ndodhur asnjë nga këto duke qenë se investimet e qeverisë kanë rënë për vitin 2015 në minimumin e tyre. Prandaj mbetet vetëm një arsyetim logjik, qeveria ka rritur borxhin për fasada dhe për xhepin e saj personal. Kjo është e paktë por e sigurtë!

Për ndryshe nuk mund të shpjegohet se si qeveria ka rritur stokun e borxhit të sektorit publik me rreth 16.9% në bazë vjetore, me një kontribut prej 6.6 pikësh përqindjeje në rritjen vjetore të borxhit të jashtëm bruto. Ndërsa nga ana tjetër raporti i KE ngre shqetësimin se investimet publike kanë rënë me 17.9%.

Të dhënat e tabelës tregojnë se borxhi i ri i marrë nga qeveria ishte 51.4% më i lartë krahasuar me të njëjtën periudhë të një viti më parë. Megjithëse qeveria ka rritur marrjen e borxhit ajo ndërkohë ka ulur edhe mundësinë për ta paguar borxhin dhe se kjo dallohet qartë në raportin e deficitit tregtar me raportin e borxhit të marrë si edhe në raport me mbledhjen e të ardhurave.

Raporti i të ardhurave me borxhin ka kaluar çdo kufi teorik dhe është alarmant duke qenë se qeveria këtë borxh të marrë e ka shpenzuar për fasada që teorikisht dhe praktikisht nuk sjellin asnjë të ardhur shtesë në buxhet. Ndërkohë që të ardhurat e buxhetit kanë shënuar rënie të paprecedentë me 400 milionë usd nga plani fillestar duke rrezikuar akoma më tej pagimin e borxhit publik dhe që për të shmangur mospagimin e tij qeveria do të detyrohet të shkurtojë shpenzimet për shtresat më vulnerabël të shoqërisë.