E fundit!

19:11 Aktualitet

Sot protesta e 47-të kundër qeverisë/ Qytetarët mblidhen në sheshin “Skënderbej”

Këtë të enjte po mbahet në Tiranë protesta qytetare e 47-t...

Ministria e Financave nis trajnimin e audituesve të brendshëm për vitin 2016

15 Shkurt 2016, 10:55, Ekonomi CNA

Drejtoria e Përgjithshme e Harmonizimit të Kontrollit të Brendshëm Financiar Publik, në Ministrinë e Financave, në datën 15.02.2016, organizon fillimin e trajnimit të vijueshëm profesional të audituesve të brendshëm për vitin 2016.

Organizimi i këtij procesi paraqet një rëndësi të veçantë, pasi me hyrjen në fuqi të ligjit 114/2015 ?Për auditimin e brendshëm në sektorin publik?, trajnimi i audituesve bëhet i detyrueshëm 80 orë në dy vjet, sipas një programi të miratuar nga Ministri i Financave çdo vit.

Trajnimi i audituesve për vitin 2016, vjen si detyrim ligjor dhe si një praktikë e re në fushën e përfitimit të njohurive shtesë nga audituesit e brendshëm në sektorin publik, duke synuar aftësimin dhe pajisjen e tyre me njohuritë e nevojshme, sipas funksioneve dhe fushës ku ato veprojnë, me qëllim ngritjen e cilësisë së veprimtarisë audituese në tërësi.

Procesi i trajnimeve ka si objektiva kryesore:1. Sigurimi i trajnimeve për stafin që ai të jetë në gjendje të zhvillojë dhe të ruajë aftësitë dhe përvojën e nevojshme për ushtrimin e funksioneve të tij. 2. Inkurajimi i shkëmbimit të njohurive dhe eksperiencës në mënyrë që stafi të ketë akses në praktikat më të mira të fushës së auditimit në sektorin publik 3.Përcaktimi i temave sipas përshtatshmërisë së funksionit të audituesve, me pozicionin që ai mban dhe institucionit ku punon, si dhe përcaktimi i nevojave për trajnime të tjera profesionale shtesë.

Procesi do të zhvillohet në 12 faza, me pjesëmarrjen e rreth 333 audituesve të brendshëm të certifikuar në detyrë, të cilët do të trajnohen sipas tre moduleve të hartuara në përshtatje me grupet e caktuara.

Temat e trajnimeve janë përgatitur dhe do të zhvillohen nga ekspertë të huaj, të ofruar nga projekti i binjakëzimit të Ministrisë së Financave të Austrisë dhe Ministrisë së Financave të Francës ?Implementimi i një sistemi modern të Menaxhimit Financiar dhe Kontrollit dhe Inspektimi Financiar Publik në Shqipëri?, i financuar me fondet IPA 2012.

Ministria e Financave bën me dije se ka realizuar nëpërmjet një akti ligjor heqjen e barrierave për t?u punësuar në profesionin e auditit. Ligji i ri i auditimit publik heq barrierat për t?u punësuar në këtë profesion. Ligji i ri, në nenin 11 të tij, lejon që të punësohet në auditim çdo profesionist që ka 3 vjet eksperiencë, ndërsa certifikatën mund ta marrë brenda 2 vjetësh pas punësimit.

Ministria e Financave, me këtë ndryshim i hap rrugë qindra profesionistëve të privuar më parë, si dhe i fton ata të konkurojnë në vendet e lira për auditues të brendshëm në sektorin publik.

Ndërkohë, ministri i Financave ka firmosur Urdhrin ?Për miratimin e rregullores për trainimin e vijueshëm profesional për audituesit e brendshëm në sektorin publik?. Kjo rregullore e trajnimit të vijueshëm profesional të audituesve të brendshëm në sektorin publik ka për qëllim të sigurojë kuadrin e brendshëm të nevojshëm për mbarëvajtjen e veprimtarisë së trajnimit të vijueshëm profesional të audituesve të brendshëm. Në këtë rregullore përcaktohen procedurat që duhet të ndiqen për programimin, organizimin, administrimin dhe dokumentimin e procesit të trajnimit të vijueshëm profesional të audituesve të brendshëm.