E fundit!

22:38 Aktualitet

Protestojnë prej 26 ditësh/ Qytetarët vijojnë marshimin në rrugët e Tiranës

Prej më shumë se 1 ore, protestuesit vijojnë marshimin në ...

Shqipëria i kërkon me “qiri”, investitorët vërshojnë në Maqedoni

11 Shkurt 2016, 17:14, Ekonomi CNA

Ndërsa në Shqipëri prej kohësh tashmë po mungojnë lajmet e kompanive të huaja që hapin njësi prodhuese (përveç shërbimeve Call Center), mediat në shtetit fqinjë, Maqedoni gëlojnë nga informacionet për kompani nga e gjithë bota që po vendosin filialet e tyre, duke përmendur shifra konkrete investimesh dhe vendesh pune të hapura.

Në fund të vitit të kaluar, kompania amerikaneJohnson Control, njoftoi për hapjen e një fabrike të dytë, pas suksesit të asaj në Stip. Fabrika e dytë e kompanisë, që në Maqedoni prodhon sedilje makinash, do të jetë në Strumica, me një investim prej 20 milionë dollarësh, që do të hapë 1500 vende të reja pune. Projekti do të nisë si një investim kaf, për t?u kthyer më pas në një investim jeshil më së shumti në 2017 bëri të ditur drejtori global i Johnson Controls, Willy Van-Looy. Johnson Controls synon të punësojë 3,000 persona në fabrikën e Strumica në tre vitet në vijim.
Mësohet se Johnson Control ka ardhur dhe në Shqipëri, por deri tani investime konkrete ka pasur vetëm në Maqedoni.

Në 11 janar 2016, Reuters publikoi një artikull, sipas të cilit prodhuesi luksoz i makinave britanik Aston Martin, i cili është në process vendimmarrje se ku do të ndërtoje një fabrikë të re për të zgjeruar gamën e produkteve dhe të kthejë përfitueshmërinë, po merr në konsideratë një njësi në Maqedoni.
Në janar të këtij viti, mediat bënë të ditur se grupi indian do të vërë në punë ish fabrikën e Velesit ?Porcelnaka?. Investimi për përpunimin e produkteve të çelikut dhe pajisjeve të kuzhinës nga çeliku inoks llogaritet rreth 31 milion euro dhe duhet të sjellë rreth një mijë punësime të reja, njofton Zhurnal.
Po në janar, Ministri i Ekonomisë Bekim Neziri dhe pronari i kompanisë italiane të ndërtimit ?Kondote Italia? Duccio Astaldi, promovuan fillimin e punës së hidrocentralit të parë në Maqedoni, nga katër që po ndërton kjo kompani. Ministri Neziri tha se investimi arrin 19 milionë euro. Hidrocentrali në Eshteriçka Reka mbi Probishtip i ka filluar punë, ndërsa tre centralet e tjera, dy në Zërnovska Reka në Koçan dhe një në Katina Reka në Shkup, janë në faza të ndryshme të ndërtimit, thotë ministri i ekonomisë Bekim Neziri.

Në 26 janar u njoftua se Kompania belge për prodhimin e autobusëve ?Van Holl? do të investojë edhe 15 milionë euro në kapacitetin e saj të përhershëm prodhues në ZZHTI Shkup 1 në katër vitet e ardhshme dhe paralajmëroi hapje të 400 vendeve të reja shtesë të punës. Ndërtimi i objektit do të fillojë muajin e ardhshëm.
Në tetor të vitit të kaluar, telegrafi i Maqedonisë njoftoi se kompania amerikane ?Lear? nga industria automobilistike filloi aktivitetet e veta në qytetin e Gostivarit. Në mjediset e ish Universitetit ?Fon?, në Gostivar tashmë kanë filluar përgatitjet e para, ndërsa do të punësohen rreth 800 persona. Reparti prodhues do ta hapet në Gostivar, kurse më pas do të transferohet në Tetovë ku do të ndërtohet edhe fabrika e re e këtij gjiganti të prodhimit të aksesorëve për automobila. Investimi është në nivelin e 15 milionë euro, me një objekt prej 11.0000 metra katrorë, dhe do të hapë 2000 vende të reja pune.

Reparti prodhues ?Lear?, është në shërbim të të gjithë prodhuesve të mëdhenj evropian të makinave, kurse objekti i ri i ?Lear?, në Gostivar fillimisht do të punësojë rreth 300 persona, me theks të veçantë të atyre me aftësi në prerje dhe qepje të lëkurës dhe pëlhurës. Kompania ka njoftuar se në të ardhmen priten zgjerime të mëtejshme.
Në shtator 2015, Kompania gjermane ?ODV-Elektrik? filloi ndërtimin e fabrikës në Zonën zhvillimore teknologjike industriale në Strugë, te fshati Misleshevë. Me këtë investim të kompanisë gjermane pritet të hapen rreth 1.000 vende pune. Në fabrikë do të prodhohen instalime nga teli për industrinë automobilistike, të cilat do të dërgohen në tregjet evropiane.
Në korrik 2015 Kompania amerikane ?Key Safety Systems? (KSS), njoftoi projektin investues për ndërtimin e fabrikës në TIRZ Kërçovë në fshatin Sërbjan. Në fabrikën ku do të prodhohen jastëkë me ajër për makina është paralajmëruar investim prej 20 milionë eurosh dhe 800 vende pune./Monitor