E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Lolita letër Edit dhe Linditës

9 Shkurt 2016, 19:54, Aktualitet CNA

Letër Edit dhe Linditës:

Përshëndetje Lindita,
Si fillim dua të të shpreh keqardhjen time për postin që të rezervoi Edi në qeveri. Ministre e arsimit! Fillimisht dukej si detyrë e lehtë apo jo, dua të them, kush do ta çante kokën për shkarkime dhe emërime partiake mësuesish!? Por ja që Edvin djali kishte rezervuar për ty një detyrë të vështirë: Reformën në arsimin e lartë! Jo se duhej ta përgatisje ti, ajo ishte gati, e përgatitur nga vetë klientët për interesat e tyre. Duan të hanë dhe këto të fundit nga torta e buxhetit të shtetit a.k.a paratë e popullit. Kush nuk ka ngrënë aty. Ti duhej vetëm ta mbroje reformën. Për të gënjyer studentët, që me demek kjo reformë nuk do i rëndojë xhepat e tyre, ti u the që do kenë të drejtën të marrin kredi studentore. A thua se fjala studentore e bën kredinë më pak të dhimbshme. Nejse, me këtë rast edhe bankat do kenë më shumë punë.
Ndërkohë, derisa të çelin frytet e reformës, Çili duhet kënaqur disi. Dhe ç’bëre ti? Bllokove programet e doktoraturës në shtet. Ku do ta përfundojnë shqiptarët doktoraturën tani që programet në shtet janë të mbyllura!? Zgjidhjen për këtë Çili e ka gati… bashkë me faturën. Të mos i hyjmë më thellë këtyre punëve se na dalin kushedi sa të palara, evazione fiskale, raporte sekrete që rekomandojnë mbylljen e UET, etj. Më mirë të rikthehemi te reforma. Po shpresoje që studentët të mos e lexonin projektligjin apo jo? Fundja, pse do ta lexonin? Ata studentë kafenesh janë. Jeta universitare degradoi këto 20 vitet e fundit, kush do ta kuptonte po t’i jepje shkelmin e fundit! Por ja që studentët e lexuan projektligjin. E lexuan, e kuptuan dhe dolën në protesta. Me qindra! Ç’na polli belaja! Të ishin qurravecët e Salës dhe Lulit do dije ç’të thoje. Po këta janë studentë pa parti, dhe të zemëruar madje. Po ç’faj ke ti Linda? Ideja ishte e Çilit, urdhri i Edvinit, me teknalitetet merret Mazniku me shokë… e ty të ngecin barrën të mbrosh reformën që nuk e bëre vetë. Lëmsh i ngatërruar. Ta dije ta zgjidhje këtë lëmsh ti, nuk do e kishe marrë diplomën te Kristali.

Përshëndetje Edi,
Na e bëj hallall atë vezën. Të goditëm aty ku nuk mban dot: të çorrëm maskën e rrejshme si shpëtimtar i popullit. E kuptova këtë kur të pyetën për vezën dhe nuk dije ç’të thoje, nuk dije ku të fshiheshe! Ti që e ke gjithmonë gati një batutë, atë moment nxorre vetëm një piskamë! Nuk të vë faj, edhe ti nuk e prisje që studentët shqiptarë do t’u ngjanin studentëve europianë e do të luftonin për të drejtat e tyre. Ti je mësuar të mbash rreth vetes freshistë “ekselentë” që darkojnë tek njëri ministër dhe zgjohen tek ministri tjetër. Do të dish një sekret? Edhe unë kur isha adoleshent endërroja të isha pjesë e këtyre studentëve ekselentë të forumeve partiake. Po nuk qenka punë për mua. Nuk ma mban bytha. Nejse, ku e kishim fjalën? Ah po, për reformën në arsimin e lartë. Ti e di që kjo reformë nuk i shkon për shtat një qeverie socialiste, një qeverie të popullit. Kjo reformë popullit ja fut sa krahu. Po s’ke ç’bën Edvin vëllai, të ka kapur Çili prej veshi. Po mos u bëj merak, kur të ndihen pasojat e borxhit studentor paratë e tua dhe të Çilit do jenë të sigurta në Qipro. Fundja, cila reformë e jotja ka qënë për popullin!?
Edhe diçka, ty sikur të mbrojnë dy-tre bodigarde femra! Nga dolën gjithë ato kafshë atë ditë në fakultet kur të hodhëm vezët? I ke parë videot e arrestimit të shoqeve dhe shokëve të mi? Nuk është kjo policia që duam thuaj Sajes.