E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Për një medie jolineare/ Nga Artan Fuga

9 Shkurt 2016, 16:16, Aktualitet CNA

Cfarë t’u bëj tani 129.746 lexuesve të sotëm !

Ata kanë kërkesa dhe unë nuk ua plotësoj dot.

Publiku ka nevojë për media.

Është i uritur.

Por, jo për median lineare që nis i tregon historitë si përrallat e 1001 netëve, fillmisht nata e parë, pastaj e dyta e kështu me rradhë…

Ehu e kush ka sot durimin t’a ndjeki kështu informacionin!

Unë as një dokumentar, pa le një film, a një roman nuk e ndjek nga fillimi në fund, por copa copa. Nganjëherë e nis nga fundi madje.

Televizioni me programacion si vijë e drejtë, i planifikuar nga mëngjesi deri në darkë më mërzit, gazeta që nis me editorialin, pastaj politikën, pastaj me seks e në fund me lajme nga jashtë a ku di unë se me çfarë është si tërkuzë.

Informacionet e lajmeve që nisin me një titull, vazhdojnë me një intervistë, me ca zëra nga populli, e ku e di unë me rradhë, nuk ka durim t’i ndjeki njeri.

E fillon ai tjetri emisioni duke prezantuar panelin pastaj bën një hyrje pastaj konluzione, duke pasur një hyrje, një vazhdim, një mbyllje, si dielli që lind, ngrihet e perëndon, është tmerr.

Programimi, struktura e brendshme lineare e lidhur si litar, si vagona treni me qymyr, si qerre, më ofendon sepe do të më kontrollojë kohën time, më tërheq për hunde.

Ore kur do t’i mësojmë mediat lineare dhe interaktive ne, ato që janë të lira e nuk vargëzonjtë vullnetet!

Opo na mbyti Gutenbergu që nga koha e Skënderbeut dhe shkolla sovjetike lineare, deterministe, ajo që e trajtonte publikun si skllav.

Këta edhe kur duan të jenë interaktivë, e shpikin publikun, si disa anonimë që shajnë pa turp me libër shtëpie.

Monolog gjithë ditën!!!

Por kur minatori hiqet si profesor komunikimi, cfarë do presësh!!!

Qesharake!!!

Disa kanë nevojë të ndryshojnë ose të ikin, e thanë audiencën fare, i nxorrën me buzë të kuqe pronarët, atyre mirë t’u thuash : hajdeni edhe njëherë në formim pasuniversitar!

Komunikimi masiv është bërë postmodern, nuk është më si më parë…

Mirë mo mirë, po këtyre 129. 746 miqve të mi të nderuar që kanë ardhur te unë sot, si publik i transhit të parë, cfarë t’u bëjë unë…

Lëre pastaj mijra të tjerëve që presin the word of mouth nga miqtë e miqve…

Presin nga unë, por unë kam edhe punë të tjera… Cfarë na gjeti mo!!!