E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

FOTOT/ Policia prezanton motorët e rinj. Tahiri: Modernizimi i policisë për të luftuar krimin

9 Shkurt 2016, 14:12, Aktualitet CNA

Policia e Shtetit ka prezantuar sot motocikletat e reja, të cilat do të jenë në shërbim të forcave Shqiponja. Nga të dhënat e policisë, 73 motorët e rinj kanë kushtuar 109.5 milionë lekë.

Në fjalën e tij, Ministri i Brendshëm, Saimir Tahiri është shprehur se modernizimi i Policisë së Shtetit do të ndihmojë për të luftuar krimin dhe informalitetin.

Fjala e plotë e Saimir Tahirit

Të nderuar pjesëmarrës, faleminderit!

Sot i japim jetë një tjetër hapi modernizues të Policisë së Shtetit, duke inauguruar motoçikletat e reja të policisë dhe modelin e ri të patrullimit në qendrat urbane. Pretendojmë me plotë të drejtë, që ky hap modernizues i Policisë së Shtetit, do të shtojë kapacitetin reagues të policisë ndaj çdo paligjshmërie dhe vepre penale.

Kuptohet që sfida për ta bërë këtë vend më të sigurtë nuk është sfida e një dite, një muaji dhe as e një viti. Është sfidë që do të bashkojë energjitë më të mira, kapacitetet më të mira, mundësitë për të përmirësuar infrastrukturën dhe teknologjinë, duke bërë bashkë Policinë e Shtetit me çdo qytetar që me të drejtë pretendon se ky vend të bëhet më i sigurtë.

Ne e dimë shumë mirë që bota e krimit mobilizon burime financiare dhe infrastrukturë që shpesh herë është shumë hapa para ndaj shtetit dhe Policisë. Ajo është detyra jonë që të bëjmë çfarë është e mundur që nëpërmjet modernizimit të Policisë të jemi në gjendje të reagojmë në mënyrë efektive duke mos lejuar që krimi të jetë para nesh.

Përveç kamerave të trupit, Policia e Tiranës dhe disa qendrave urbane pasurohet edhe me këtë njësi operacionale të lëvizshme, duke rikrijuar një model tejet pozitiv për Policinë e Shtetit dhe mbi të gjitha për marrëdhënien që duhet të ketë policia me qytetarët, në patrullimin urban dhe reagimin ndaj shqetësimeve të qytetarëve.

Modernizimi i Policisë, modernizimi i teknologjisë dhe kapaciteteve infrastrukturore është rruga e duhur për të pasur rezultate të qëndrueshme në kohë, në luftën kundër informalitetit, paligjshmërisë dhe kriminalitetit. Lufta kundër krimit është një luftë që nuk fitohet dot brenda ditës.

Ndaj ne na duhet të forcojmë kapacitetet e Policisë për të bërë çfarë është e mundur që bashkë me qytetarët, të cilët duan dhe respektojnë ligjin, ne të fitojmë njëherë e përgjithmonë, kundër të gjithë atyre që Shqipërinë e shohin si vendin ku mund të shkelet ligji dhe t?i bësh bisht drejtësisë, ku mund të bësh një vepër penale dhe t?i bësh bisht drejtësisë.

Suksese të gjithë skuadrës së punonjësve të Policisë që do të angazhohen në këtë aktivitet.

Dua t?ju uroj suksese të gjithë skuadrës në Drejtorinë e Përgjithshme të Policisë së Shtetit që është marrë me ideimin dhe bërjen realitet të këtij hapi modernizues, duke shpresuar që punonjësit e Policisë, nëpërmjet këtyre reformave të jenë gjithmonë e më shumë në gjendje t?i gjenden pranë qytetarëve për ta bërë jetën e tyre dhe më të sigurt.

Faleminderit shumë të gjithëve!