web counter
LEXO PA REKLAMA!

SHKARKO APP

App Store
Google Play

E fundit!

x

Mesila Doda: Basha, i fundit për të folur për zgjedhjet në PS

9 Shkurt 2016, 07:34, Aktualitet CNA

Deputetja, Mesila Doda, ka shprehur rezerva për akuzat e Kreut të PD-së, Lulzim Basha, për akuzat që ka bërë në adresë të kryeministrit Edi Rama se ka bllokuar zgjedhjet në PS. Sipas Dodës, kryetari demokrat është i fundit që duhet të flasë pasi është zgjedhur në mënyrë ekstra statutore. ?Nuk e di ku e gjen kurajën z.Basha dhe bën akuza të tilla. Ai është njeriu i fundit që duhet të flasë për demokraci dhe zgjedhje të lira e të barabarta. Vetë z.Basha është zgjedhur në mënyrë ekstra statutore?, ? shprehet Doda për ?GSH?.

Sipas saj ?edhe strukturat e tjera, përfshi zgjedhjen për drejtuesit e departamenteve, si dhe zgjedhjet e fundit për Forumin Rinor të Partisë Demokratike janë bërë në shkelje të statutit të PD-së?.

Zj.Doda, si e shikoni debatin brenda Partisë Socialiste?
Nuk kam asnjë dëshirë dhe interes të merrem me çështjet e brendshme të Partisë Socialiste, por anëtarët dhe deputetët e saj kanë të gjithë të drejtën që të bëjnë debat të brendshëm. Nuk vjen asnjë e keqe nga debati. Përkundrazi, kjo vetëm e shëndosh demokracinë.

Si e konsideroni akuzën e kreut të PD-së, Lulzim Basha, se kryeministri Edi Rama ka bllokuar zgjedhjet në Partinë Socialiste?
Nuk e di ku e gjen kurajën z.Basha dhe bën akuza të tilla. Ai është njeriu i fundit që duhet të flasë për demokraci dhe zgjedhje të lira e të barabarta.

Për cilat arsye?
Vetë z.Basha është zgjedhur në mënyrë ekstra statutore. Edhe strukturat e tjera, përfshi zgjedhjen për drejtuesit e departamenteve, si dhe zgjedhjet e fundit për Forumin Rinor të Partisë Demokratike janë bërë në shkelje të statutit të Partisë Demokratike. Por tek e fundit kjo është çështje e tyre. Ajo që më shqetëson aktualisht është modeli stalinist që partitë politike po sjellin si model në demokracinë e sotme. O skllav, o armik? Edhe Stalini do ua kishte zili këtyre kokoroçëve.

 





Lajmet e fundit nga