web counter
LEXO PA REKLAMA!

SHKARKO APP

App Store
Google Play

E fundit!

x

Bandat, vrasësit me uniformë policie që po terrorizojnë vendin prej dy vitesh

8 Shkurt 2016, 22:16, Aktualitet CNA

Të veshur me uniforma policie dhe me parrullën ?ndal, policia? një grupet kriminale prej dy vitesh po terrorizojnë vendin, duke u bërë tmerr i qytetarëve.

Të paktën në dhjetë ngjarje të rënda kriminale në harkun e dy viteve të fundit, dëshmitarët kanë treguar se autorët kanë qenë të veshur me uniformë policie të Ndërhyrjes së Shpejtë.

Rasti më i fundit ishte mbrëmjen e së mërkurës në Elbasan, ku u vranë tre persona dhe u plagosën tetë të tjerë. Sipas dëshmitarëve në vendin e ngjarjes, autorët kanë qenë të veshur me kamuflazh ushtrie.

Po me të njëjtën uniformë ishin dhe personat që kryen në 6 janar rrëmbimin e Gazmend Çollakut, i cili u gjet i vrarë në zonën e Krujës. 37-vjeçari i është bindur urdhrit të tyre, duke menduar se kishte të bënte me një ndalim nga ana e policisë.

I njëjti skenar u përdor edhe për të rrëmbyer Enver Stafukën në Fushë-Krujë, personi i cili akuzohet se vodhi makinën që u përdor për vrasjen e kryekomisarit Dritan Lamaj. Ai u rrëmbye nga katër persona të veshur me uniforma policie dhe më pas fati i tij nuk dihet.

Po e njëjta skemë u përdor edhe në një tjetër ngjarje. Grabitja e 3.8 milionë eurove nga 4 persona të veshur si policë një kompanie sigurie private që po transportonte para drejt Rinasit.

Hetuesit mendojnë se kemi të bëjmë me anëtarë të së njëjtës bandë, e cila ende deri tani nuk po arrihet të zbulohet./ekspres





Lajmet e fundit nga