E fundit!

10:54 Aktualitet

Dosja Meta/ Sot seanca në GJKKO, mbështetësit e ish-presidentit para gjykatës

Sot në GJKKO do të zhvillohet seanca ndaj ish-Presidentit ...

Koncesionet/ Ministri Ahmetaj përgjigjet për kritikat brenda grupit

8 Shkurt 2016, 19:36, Aktualitet CNA

Ministri i Ekonomisë, Arben Ahmetaj ka dhënë përgjigje lidhur me kritikat nga deputetët socialistë për dhënien e koncesioneve. Në një prononcim për mediat pas mbledhjes së grupit parlamentar, Ahmetaj është shprehur se disa prej deputetëve janë të paqartë. Deputetët socialistë në fjalë, që kanë shprehur kritikat e tyre lidhur me koncesionet në mbledhjen e sotme të grupit parlamentar të socialistëve, janë Fatmir Toçi dhe Besnik Bare.

Ishte një parashtrim i të gjithë reformave të qeverisë, jo ministrive specifike. U fol për gjithë strategjinë e partneritetit publik privat, për ato që kemi bërë dhe ato që do të bëjmë në favor të qytetarëve.

U fol për tendencën shumë të konsoliduar pozitive të ekonomisë shqiptare, tashmë të konfirmuar edhe nga institucioni ndërkombëtar Standard and Poor. Pra vlerësimi pozitiv i ekonomisë nga B në B+, që është një ngjarje shumë e madhe për ekonominë por edhe për imazhin e vendit.

Dua të ndaj me ju që nuk është hera e parë, është hera e disatë dhe ne e bëjmë vazhdimisht qoftë në momentin e kalimit të buxhetit, qoftë në kalimin e paketave fiskale, qoftë në momente të tilla ku ne ndajmë me grupin parlamentar gjithë pritshmërinë tonë pozitive për ekonominë dhe parapërgatisim grupin parlamentar për gjithë reformat që do të ndërmarrim gjatë vitit 2016 dhe në vazhdim.

Ka pasur kritika apo rezerva nga grupi përsa i përket koncesioneve për shembull?

Absolutisht jo, dhe këtë e them me përgjegjësi. Sigurisht që ndonjë deputet mund të ketë pasur paqartësi dhe kjo është e natyrshme. Por grupi është shumë i qartë, aq më tepër që të gjithë partneritetet publike apo private që ne bëjmë nuk dalin asnjëherë, aspak, jashtë Programit të Partisë Socialiste kur ne kemi qenë në opozitë. Në qoftë se do ta kontrolloni, ne i referohemi në programin tonë partneritetit publik privat si një nga instrumentat për të ofruar më shumë shërbime dhe për të thithur më shumë investime, gjë që po e bëjmë.