Denoncimi i Citynews/ Basha: “Falas” me lekët e taksapaguesve, gjysmën e vjedhin vetë!

8 Shkurt 2016, 14:16, Aktualitet CNA

Citynews denoncoi dje një rast skandaloz me “Check-Up”-et falas të Ministrisë të Shëndetësisë. Një qytetare është shqetësuar nga analizat e “Check-up”-it nga ministria dhe ka kryer një analizë tjetër në një spital privat. Përgjigja që ajo mori ishte një rezultat krejt i ndryshëm nga ai që i dha analiza e parë.

Për këtë problem ka reaguar edhe kreu i Partisë Demokratike, Lulzim Basha, i cili ka akuzuar Edi Ramën dhe ministrin Ilir Beqaj se kanë hapur një propagandë boshe për të mbuluar vjedhjen e 338 milionë eurove. Basha shkruan atë që konstatoi e citynews, se në analizën e Beqas, qytetarja ka dalë me vlerën e proteinës 25, cka do të thotë se është në gjendje të rëndë, por analizat e spitalit privat thonë të kundërtën.

Postimi i Lulzim Bashës

?Falas? me lekët e taksapaguesve, gjysmën e vjedhin vetë!

Edi Rama ka hapur një front mashtrimesh dhe propagande boshe për shëndetësinë, në përpjekje për të mbuluar vjedhjen 338 milionë Euro dhe degradimin e plotë të spitaleve dhe të këtij shërbimi jetik. Fytyra e vërtetë e shëndetësisë sonë është e kundërta e dokrrave të tij.

338 milionë Euro tendera, por a ka shqiptar që merr sot shërbim më të mirë shëndetësor? A ka sot më shumë ilace apo ilace më të mira në spitale? A ka kushte më të mira për shtrimin dhe shërbimin ndaj pacientëve?

Mjafton një analizë e megavjedhjes me check-up për të dëshmuar shëndetësinë e Edi Ramës. Ku lekët merren, por analizat nuk bëhen fare ose bëhen sa për të kaluar rradhën. Si kjo këtu, ku qytetarja ka dalë me vlerën e proteinës 25, çka do të thotë se gruaja është në gjendje të rëndë dhe në shtratin e dializës. Ndërkohë, për fat të mirë, zonja gëzon shëndet të shkëlqyer, dhe si Dëshmitare e Jehovait ecën gjithë ditën në këmbë. Apo ky rasti tjetër ku check-up e nxjerr me diabet por analizat e privatit thonë se pacienti është në gjendje të mirë shëndetësore.

Të vetmit përfitues nga ?reforma në shëndetësi?, janë Edi Rama, Ilir Beqa, Vilma, emigranti i Peruxhias me një punëtor, dhe një dorë tjetër oligarkësh dhe klientësh që po fusin në xhep paratë e shqiptarëve.