web counter
LEXO PA REKLAMA!

SHKARKO APP

App Store
Google Play

E fundit!

x

Rama ndryshon mendim/ Kongresi do vendosë nëse do zhvillohen zgjedhje brenda PS

8 Shkurt 2016, 14:38, Aktualitet CNA

Partia Socialiste është përfshirë nga një debat i brendshëm, i hapur nga deputeti Ben Blushi, lidhur me zgjedhjet në të gjitha hallkat e saj. Prej kohësh, Blushi ka kërkuar zhvillimin e zgjedhjeve brenda partisë, por diçka e tillë është kundërshtuar nga kryetari Edi Rama me pretendimin se ai ka fituar zgjedhjet. Sot duket se Rama ka bërë një hap mbrapa duke ia kaluar të drejtën e vendimarrjes për zhvillimin e zgjedhjeve Kongresit të PS.

Ka qenë deputetja Blerina Gjylameti ajo që ka e ka bërë me dijë këtë ndryshim. Pas përfundimit të mbledhjes së grupit të PS, Gjylameti është shprehur se do të jetë Kongresi ai që do të vendosë për fatin e zhvillimit të zgjedhjeve.

?Duke parë kërkesat e disa deputetëve, vendosëm që duhet të jetë Kongresi i PS ai që duhet të vendosë nëse do të ketë zgjedhje për kryetarin e kësaj partie dhe mënyrën se si do të zhvillohet?, u shpreh Gjylameti.

Me këtë veprim, kreu i PS, Edi Rama, ka bërë një hap prapa për sa i përket qëndrimit të tij për të mos zhvilluar zgjedhje. Megjithatë, edhe nëse vendimin e merr kongresi, përsëri statuti i PS-së, i cili thotë se zgjedhjet për kryetarin duhet të zbatohet një herë në katër vjet, po shkelet.

Më herët, deputeti i PS, Ben Blushi, ka thënë se në mbledhjen e PS-së ka paraqitur një sërë dokumentash me shkeljet e statutit.

?Ka 3 vjet që statuti i PS shkelet. Paraqita në mbledhje një dokument me shkeljet në statut. Nuk mund të jemi një vend demokratik kur partitë nuk janë demokratike?, u shpreh Blushi/citynews





Lajmet e fundit nga